नवी दिल्ली: सोनिया गांधी आणि राहुल गांधी यांनी काँग्रेस अध्यक्षपदाच्या निवड प्रक्रियेपासून दूर राहण्याचा निर्णय घेतला आहे. दोन्हीही नेते कार्यकारिणीची बैठक सुरू असताना बाहेर निघून गेले. पक्षाध्यक्षाच्या निवड प्रक्रियेत आमचा सहभाग नसेल. त्यामुळेच आम्ही बैठक सोडून निघालो आहोत, असं सोनिया यांनी सांगितलं. दरम्यान, प्रियांका गांधी या बैठकीला उपस्थित असणार आहेत. लोकसभा निवडणूक निकालानंतर राहुल गांधी यांनी काँग्रेस अध्यक्षपदाचा राजीनामा दिला होता. पक्षाचा नवा अध्यक्ष गांधी कुटुंबातील नसेल असंही त्यांनी जाहीर केलं होतं. त्यामुळं काँग्रेसनंही नव्या अध्यक्षांचा शोध घेण्यास सुरुवात केली आहे. त्यादृष्टीनं महत्त्वाची असलेली पक्षाच्या कार्यकारिणीची बैठक आज सकाळी दिल्लीत सुरू झाली. या बैठकीला पक्षाचे ज्येष्ठ नेते आणि सर्व राज्यांतील प्रदेशाध्यक्षांना बोलावण्यात आले होते. मात्र, सोनिया आणि राहुल गांधी या बैठकीतून निघून गेले. पक्षाध्यक्ष निवड प्रक्रियेपासून दूर राहण्याचा निर्णय आम्ही घेतला आहे, असं सोनियांनी सांगितलं. दरम्यान, ही बैठक संध्याकाळपर्यंत पुढे ढकलण्यात आली आहे. चार वाजता सुरू होणारी बैठक रात्री नऊपर्यंत चालणार आहे. या बैठकीत काँग्रेसच्या नव्या अध्यक्षाच्या नावाची घोषणा होईल, अशी शक्यता व्यक्त केली जात आहे.
सूत्रांच्या माहितीनुसार, कार्यकारिणीची बैठक झाल्यानंतर वेगवेगळ्या पाच गटांमध्ये नेते चर्चा करतील. याशिवाय सर्व प्रदेशाध्यक्ष नव्या अध्यक्षाच्या निवडीबाबत चर्चा करतील. काँग्रेसमधील सूत्रांच्या माहितीनुसार, मुकुल वासनिक, मल्लिकार्जुन खरगे, अशोक गेहलोत, सुशीलकुमार शिंदेंसह अनेक ज्येष्ठ नेत्यांची नावे अध्यक्षपदासाठी चर्चेत आहेत.
सूत्रांच्या माहितीनुसार, कार्यकारिणीची बैठक झाल्यानंतर वेगवेगळ्या पाच गटांमध्ये नेते चर्चा करतील. याशिवाय सर्व प्रदेशाध्यक्ष नव्या अध्यक्षाच्या निवडीबाबत चर्चा करतील. काँग्रेसमधील सूत्रांच्या माहितीनुसार, मुकुल वासनिक, मल्लिकार्जुन खरगे, अशोक गेहलोत, सुशीलकुमार शिंदेंसह अनेक ज्येष्ठ नेत्यांची नावे अध्यक्षपदासाठी चर्चेत आहेत.