टायर फुटले, नियंत्रण सुटले; VIP नंबरप्लेट असलेल्या BMWच्या धडकेत सायकलस्वाराचा अंत

दिल्ली: दिल्लीतील वसंत कुंज परिसरात दिल्ली-गुरुग्राम एक्स्प्रेस वेवर झालेल्या अपघातात एका सायकलस्वाराचा मृत्यू झाला. बीएमडल्ब्यू कारनं दिलेल्या धडकेत सायकलस्वार जखमी झाला. त्याला उपचारांसाठी सफदरजंग रुग्णालयात नेण्यात आलं. तिथे डॉक्टरांनी त्याला मृत घोषित केलं. या प्रकरणी पोलिसांनी गुन्हा दाखल करत बीएमडब्ल्यू कारच्या चालकाला अटक केली आहे.

अपघाताची माहिती मिळाल्यानंतर पोलिसांनी घटनास्थळ गाठलं. त्यावेळी त्यांना कारचे टायर फुटलेल्या स्थितीत दिसले. कारच्या काचादेखील फुटल्या होत्या. कार चालकाचं नियंत्रण सुटल्यानं अपघात झाला. कारनं सायकलस्वाराला धडक दिली. शुभेंदु चॅटर्जी (५०) असं सायकलस्वाराचं नाव आहे. ते हरियाणाच्या गुरुग्रामचे रहिवासी होते.
हॉटेलमध्ये 'ती' तुझी वाट बघतेय! पोहोचलास की फोटो पाठव! मुंबईत ३५० जणांना मेसेज गेला अन्...
दिल्लीतील विमानतळ परिसरात एका वळणावर कार आणि सायकलचा अपघात झाला. विमानतळाजवळ कारनं सायकलला मागून धडक दिली. अपघातात सायकल आणि कारचं नुकसान झालं. धडक देणाऱ्या कारची नोंदणी हरियाणात झालेली आहे. तिला व्हिआयपी नंबर प्लेट आहे. HR 26 DK 0001 असा कारचा क्रमांक आहे.
आईनं पैशांचा हिशोब मागितला; पोरानं घराबाहेर काढलं, रस्त्यात फरफटवलं, लाथाबुक्क्यांनी मारलं
कारचे टायर फुटल्यानं चालकाचं नियंत्रण सुटलं. त्यामुळे हा अपघात झाल्याची माहिती प्राथमिक तपासातून समोर आल्याचं नैऋत्य दिल्लीचे डीसीपी मनोज सी. यांनी सांगितलं. वसंत कुंज उत्तर पोलीस ठाण्याकडून अपघाताची चौकशी सुरू आहे. चॅटर्जी सायकलनं गुरुग्रामवरून धौला कुआला जात असताना अपघात झाला. ते गुरुग्रामच्या सेक्टर-४९ मध्ये वास्तव्यास होते. प्रॉपर्टी डीलर म्हणून ते काम करायचे. दिल्लीत त्यांचा कपड्यांचा व्यवसायदेखील होता.