कधीकाळी फक्त १७ रुपये होते, अचानक खात्यात १०० कोटी आले, मजुराला टेन्शन, पोलिस हैराण...

कोलकाता: रात्रंदिवस कष्ट करून २०० ते ३०० रुपये कमावणाऱ्या मोहम्मद नसिरुल्ला मंडल या मजुराला कुटुंबाचा उदर्निवाह करणेही कठीण झाले आहे. सकाळपासून संध्याकाळपर्यंत कष्ट केल्यानंतर संध्याकाळी मिळणाऱ्या पैशातून तो कुटुंबाचा खर्च कसा तरी भागवतो. पंतप्रधान नरेंद्र मोदींचं सरकार आल्यावर नसिरुल्लाह यांचे झिरो बॅलेन्स खाते उघडण्यात आले. केंद्र सरकारची योजना आपल्याला मदत करेल आणि रक्कम आपल्या खात्यात येईल, अशी आशा त्यांना होती. तेव्हा नसीरुल्ला यांच्या खात्यात फक्त १७ रुपये होते.

अलीकडेच त्यांच्या खात्यात १०० कोटी असल्याची माहिती मिळाली. जेव्हा सायबर सेलने त्यांना नोटीस पाठवली तेव्हा त्याला याची माहिती मिळाली. बँकेत गेले असता त्यांचे खाते बँकेने ब्लॉक केल्याचे आढळून आले. जेव्हा त्याने Google Pay APP वर चेक केलं तेव्हा त्याला खात्यात १०० कोटी असल्याची माहिती मिळाली. हे कळताच नसिरुल्ला यांची झोप उडाली, या घटनेमुळे त्यांचं संपूर्ण कुटुंब तणावात आहे.

Conjoined Twins: एकच हृदय, दोन हात-पाय, पण डोकी दोन, जळगावात जुळ्या मुलींचा जन्म
हे प्रकरण पश्चिम बंगालमधील मुर्शिदाबादचे आहे. रोजंदारीवर काम करणाऱ्या नसिरुल्लाने सांगितले की, त्यांच्या खात्यात १०० कोटी रुपये असल्याची माहिती मिळाल्यापासून त्यांची झोप उडाली आहे. आजपर्यंत हजार रुपये देखील त्यांनी एकत्र पाहिले नसल्याचं सांगितले. खात्यात एवढी मोठी रक्कम पाहून ते भांबावून गेले.

नासिरुल्ला यांनी सांगितले की, त्यांना देगाना सायबर सेलने नोटीस दिली आहे. त्यांना ३० मे रोजी चौकशीसाठी हजर राहण्यास सांगण्यात आले आहे. पोलिसांचा फोन आल्यानंतर आपण टेन्शनमध्ये असल्याचं त्याने सांगितले. त्याची तुरुंगात रवानगी होईल, या भीतीने त्याचे संपूर्ण कुटुंब घाबरले आहे.

सोन्याची चेन चुकून दानपेटीत पडली, मंदिर प्रशासनाच्या निर्णयाने तुम्हीही भारावून जाल
झिरो बॅलेन्स खात्यात रक्कम जमा झाली

मजूर नसिरुल्ला यांनी सांगितले की, तो बासुदेबपूर गावचा रहिवासी आहे. त्यांनी झिरो बॅलेन्स ठेवून खाते उघडले होते. सायबर सेलची नोटीस मिळाल्यावर त्यांचा विश्वासच बसेना. त्यामुळे ते बँकेत गेले. बँकेत त्यांना कळाले की त्यांचे खाते ब्लॉक झाले आहे. ब्लॉक होण्यापूर्वी त्याच्या खात्यात १७ रुपये होते. आता खात्यात शंभर कोटी आले कुठून, याबाबत त्याना काहीही माहिती नाही, असं ते सांगतात.

बीड नगरपालिकेत राडा; तीन महिन्यांचं वेतन रखडलं; महिला कामगारांनी कर्मचारी अन् अधिकाऱ्यानां कोंडलं

पोलिसात गुन्हा दाखल

नसिरुल्ला यांनी सांगितले की, त्यांचे खाते ब्लॉक झाल्याचे बँकेकडून सांगण्यात आले. त्याच्याविरुद्ध पोलिसांत गुन्हा दाखल झाल्याने अधिक तपशील सांगता येणार नाही. सध्या तो त्याच्या खात्यातून कोणताही व्यवहार करु शकत नाही.