अ‍ॅपशहर

दलाई लामांच्या अरुणाचल भेटीने चीन खवळला

बौद्ध धर्मगुरू दलाई लामांच्या अरुणाचल प्रदेश भेटीवरून भारत-चीन संबंध ताणले गेले आहेत. 'वादग्रस्त अरुणाचल प्रदेशात भारताने दलाई लामांना प्रवेश देवून द्वीपक्षीय संबंधांना गंभीर ठेच पोहोचवली आहे', असा इशारा चीनने दिला आहे.

Maharashtra Times 5 Apr 2017, 3:38 pm
मटा ऑनलाइन वृत्त । नवी दिल्ली, बीजिंग
महाराष्ट्र टाइम्स.कॉम dalai lamas visit seriously damaged ties with india china
दलाई लामांच्या अरुणाचल भेटीने चीन खवळला


बौद्ध धर्मगुरू दलाई लामांच्या अरुणाचल प्रदेश भेटीवरून भारत-चीन संबंध ताणले गेले आहेत. 'वादग्रस्त अरुणाचल प्रदेशात भारताने दलाई लामांना प्रवेश देवून द्वीपक्षीय संबंधांना गंभीर ठेच पोहोचवली आहे', असा इशारा चीनने दिला आहे. उभय देशातील प्रतिनिधींच्या चर्चेदरम्यान या प्रकरणी भारताकडे तीव्र निषेध नोंदवू, असं चीनने म्हटलंय.

'चीनचा विरोध डावलून भारताने दलाई लामांच्या अरुणाचल प्रदेश भेटीला परवानगी दिली. अरुणाचल प्रदेश हा भारत-चीनमधील वादग्रस्त सीमा भाग आहे. भारताच्या या कृतीने भारत-चीन संबंधांना मोठा धक्का बसला आहेट, असं चीनच्या परराष्ट्र मंत्रालयाच्या प्रवक्त्याने सांगितलं. पण दलाई लामांच्या अरुणाचल भेटीला चीनने राजकीय रंग दिल्याचं भारतानं यापूर्वीच स्पष्ट केलं आहे.

चीनकडून आर्थिक स्वातंत्र्य हवे...

'काही वर्षांपूर्वी मी इटलीच्या दौऱ्यावर गेलो होतो. काही चिनी अधिकारी तुम्हाला राक्षस म्हणाले, असा प्रश्न त्यावेळी पत्रकारांनी मला प्रश्न केला होता. त्यावर मी हो असे उत्तर दिले होते. हो मी शिंग असलेला राक्षस आहे असं म्हणालो होतो', असं दलाई लामा म्हणालेत. 'ऐतिहासिक दृष्ट्या चीन हा बौद्ध देश आहे. तिथे मोठ्या संख्येने बौद्ध अनुयायी राहतात. पण आम्हाला चीनपासून स्वातंत्र्य नको आहे. चीन सरकारकडून आम्हाला आर्थिक स्वातंत्र्य हवे आहे. भारताने आमचा कधीच उपयोग केला नाही', असं दलाई लामांनी यावेळी स्पष्ट केलं.

महत्वाचे लेख

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
ताज्या बातम्यांसह अपडेट राहण्यासाठी लाइक करा Maharashtra Times फेसबुकपेज