मटा ऑनलाइन वृत्त । भोपाळ
वेठबिगारी करण्यास नकार दिल्यामुळे एका दलित महिलेचं नाक कापण्यात आल्याची धक्कादायक घटना घडली आहे. मध्य प्रदेशातील सागर जिल्ह्यात ही संतापजनक घटना घडली असून त्यावर तीव्र प्रतिक्रिया उमटत आहेत.
एका सवर्णाने या दलित महिलेला आणि तिच्या नवऱ्याला वेठबिगारीचे काम करण्यासाठी घरी यायला सांगितले होते. पण त्यांनी वेठबिगारीचे काम करण्यास नकार दिला. दलित महिला काम करण्यास नकार देत असल्याचा संताप आल्याने संबंधित व्यक्तिने आणि त्याच्या मुलाने या महिलेला आणि तिच्या नवऱ्याला शिवीगाळ केली. त्यानंतर त्यांना बेदम मारहाण करून या महिलेचं नाक कापलं. या जखमी महिलेला आणि तिच्या नवऱ्याला रूग्णालयात उपचारासाठी दाखल करण्यात आलं आहे.
या घटनेची माहिती मिळताच मध्य प्रदेश महिला आयोगाच्या अध्यक्षा लता वानखेडे यांनी या महिलेची भेट घेऊन तिची विचारपूस केली. या महिलेने दिलेल्या तक्रारीवरून महिला आयोगाने पोलिसात अॅट्रॉसिटी अॅक्टखाली गुन्हा दाखल केला आहे. दरम्यान, दलित महिलेचं नाक कापण्याची घटना अत्यंत गंभीर आणि संतापजनक असून याप्रकरणी आरोपींवर कठोर कारवाई करण्यात येईल, अशी माहिती वानखेडे यांनी दिली.
वेठबिगारी करण्यास नकार दिल्यामुळे एका दलित महिलेचं नाक कापण्यात आल्याची धक्कादायक घटना घडली आहे. मध्य प्रदेशातील सागर जिल्ह्यात ही संतापजनक घटना घडली असून त्यावर तीव्र प्रतिक्रिया उमटत आहेत.
एका सवर्णाने या दलित महिलेला आणि तिच्या नवऱ्याला वेठबिगारीचे काम करण्यासाठी घरी यायला सांगितले होते. पण त्यांनी वेठबिगारीचे काम करण्यास नकार दिला. दलित महिला काम करण्यास नकार देत असल्याचा संताप आल्याने संबंधित व्यक्तिने आणि त्याच्या मुलाने या महिलेला आणि तिच्या नवऱ्याला शिवीगाळ केली. त्यानंतर त्यांना बेदम मारहाण करून या महिलेचं नाक कापलं. या जखमी महिलेला आणि तिच्या नवऱ्याला रूग्णालयात उपचारासाठी दाखल करण्यात आलं आहे.
या घटनेची माहिती मिळताच मध्य प्रदेश महिला आयोगाच्या अध्यक्षा लता वानखेडे यांनी या महिलेची भेट घेऊन तिची विचारपूस केली. या महिलेने दिलेल्या तक्रारीवरून महिला आयोगाने पोलिसात अॅट्रॉसिटी अॅक्टखाली गुन्हा दाखल केला आहे. दरम्यान, दलित महिलेचं नाक कापण्याची घटना अत्यंत गंभीर आणि संतापजनक असून याप्रकरणी आरोपींवर कठोर कारवाई करण्यात येईल, अशी माहिती वानखेडे यांनी दिली.