दिल्ली: वडिलांच्या अंत्ययात्रेत मुली नाचल्या!

मटा ऑनलाइन वृत्त । नवी दिल्ली

कुटुंबातल्या कुणाचा मृत्यू झाला तर साऱ्या घराला शोक अनावर होतो. पण दिल्लीत मात्र एक विचित्र घटना घडली आहे. वडिलांच्या मृत्यूनंतर मुलींनी त्यांची अंत्ययात्रा बँडबाजा वाजवत काढली! त्या स्वत:ही वडिलांच्या अंत्ययात्रेसमोर नाचल्या. त्याला कारणही तसंच होतं..

दिल्लीत 'गुटखा किंग' म्हणून ओळखले जाणारे हरिभाई लालवानी यांचं शुक्रवारी ब्रेन स्ट्रोकने निधन झालं. लालवानी यांनी मृत्यूपूर्वी शेवटची इच्छा व्यक्त केली होती की त्यांच्या मृत्यूनंतर कोणी शोक व्यक्त करू नये. उलट वाजतगाजत त्यांना अखेरचा निरोप द्यावा.

त्यांच्या या अखेरच्या इच्छेचा मान राखत मुलींनी त्यांची अंत्ययात्रा वाजतगाजत काढली. लालवानी यांना त्यांच्या चारही मुलींनीच खांदा दिला. हरिभाई लालवानी दिल्लीतल्या पानविक्रेता असोसिएशनचे राष्ट्रीय अध्यक्ष होते.