'डेबिट, क्रेडिट कार्ड्स ३-४ वर्षात होणार बाद'

मटा ऑनलाइन वृत्त । नोएडा

येत्या ३-४ वर्षांत डेबिट-क्रेडिट कार्ड्स तसंच एटीएमदेखील निरुपयोगी ठरणार आहेत. कारण लोक त्यांच्या मोबाइलवरूनच सर्व आर्थिक व्यवहार करतील, असं नीती आयोगाचे सीईओ अमिताभ कांत म्हणाले.

भारतासारख्या देशात जेथे ७२ टक्के लोकसंख्येचं वय ३२ वर्षांखाली आहे, तेथे अशा गोष्टींसाठी अधिक पूरक वातावरण आहे, असेही ते म्हणाले. अमिटी विद्यापीठाच्या नोएडा कॅम्पसमध्ये कांत यांना मानद डॉक्टरेट पदवी बहाल करण्यात आली. त्यावेळी ते बोलत होते.

ते म्हणाले, 'आर्थिक व्यवहार अधिकाधिक मोबाइल फोनवर होणार आहेत. आताच हा ट्रेंड सुरू झाला आहे,' असे कांत म्हणाले.