Corona Vaccine News : देशी करोना लशीचा पहिला डोस घेतला, डॉक्टरने दिली खूशखबर

नवी दिल्ली: भारत जगातील अशा देशांपैकी एक आहे ज्यांनी कोविड-१९ महासाथ (Covid-19 Pandemic) पसरवणाऱ्या नॉव्हेल करोना विषाणूला (Novel Corona) वेगळे करण्यात यश प्राप्त केले आहे. आता भारत स्वस्त करोना लस बनवण्याच्या मार्गावर आघाडी घेत असल्याचे दिल्लीतील अखिल भारतीय आयुर्विज्ञान संस्थेच्या मुख्य न्यूरोसाइंसेज डॉ. एम. व्ही. पद्मा श्रीवास्तव (dr mv padma srivastava) यांनी म्हटले आहे.

भारत बायोटेक आणि ICMR ची करोना लस

डॉ. एम. व्ही. पद्मा श्रीवास्तव या गेल्याच आठवड्यात करण्यात आलेल्या कोव्हॅक्सीन या लशीच्या तिसऱ्या टप्प्यातील चाचणीत सहभागी झाल्या होत्या. कोव्हॅक्सीन ही भारतातील देशी लस आहे. ही लस भारतीय आयुर्विज्ञान संशोधन परिषदेनेच्या (ICMR) मदतीने औषध निर्मिती कंपनी भारत बायोटेक तयार करत आहे. मी गेल्या गुरुवारी दिल्लीतील एम्समध्ये कोव्हॅक्सीनचा पहिला डोस घेतला होता. पुढील डोस २८ दिवसांनंतर दिला जाणार आहे, असे डॉ. श्रीवास्तव यांनी 'द टाइम्स ऑफ इंडिया'ला दिलेल्या मुलाखतीत म्हटले आहे.

क्लिक करा आणि वाचा बातमी- करोना: देशात गेल्या २४ तासांमध्ये वाढले 'एवढे' रुग्ण, मृत्यूतही कालच्या तुलनेत वाढ

'या लशीचा कोणताही साइड इफेक्ट नाही'

५५ वर्षीय डॉ. श्रीवास्तव यांनी माहिती देताना सांगितले की, त्यांनी या लशीचा डोस घेतल्यानंतर मला आतापर्यंत कोणताही साइड इफेक्ट जाणवला नाही. खरेतर, नुकत्याच पार पडलेल्या चाचणीत सहभागी झालेल्या एका स्वयंसेवकाने साइड इफेक्ट झाल्याचे म्हटले होते. एम्सची कोव्हॅक्सीनच्या तिसऱ्या टप्प्यातील चाचणीत १,००० हून अधिक लोकांची लस टोचण्यासाठी नोंदणी करण्याची योजना आहे. सूत्रांनी दिलेल्या माहितीनुसार, आतापर्यंत ४० ते ५० स्वयंसेवकांनी आपल्या नावांची नोंदणी केली असून त्यांना पहिला डोस देण्यात आलेला आहे.

क्लिक करा आणि वाचा बातमी- शेतकरी आंदोलनावरून राहुल गांधींचा मोदी सरकारवर हल्लाबोल
क्लिक करा आणि वाचा बातमी- हैदराबाद महापालिका निवडणूक आज, ५० % ही होत नाही मतदान.. तुटणार रेकॉर्ड?