बलात्कार पीडितेला करोना, आरोपी क्वारंटाइन

नवी दिल्लीः करोना व्हायरससंबंधी धक्का देणारा प्रकार समोर आला आहे. बलात्कार पीडित करोना पॉझिटिव्ह आढळून आली आहे. यानंतर बलात्कार प्रकरणातील आरोपीला क्वारंटाइन करण्यात आलं आहे. आरोपी हा सध्या तिहार तुरुंगात आहेत. त्याच्यासोबत तुरुंगातील आणखी दोन कैद्यांना क्वारंटाइन करण्यात आलं आहे.

करोनाचा प्रादुर्भाव वाढत असल्याच्या पार्श्वभूमीवर तिहार तुरुंग प्रशासनाने करोनाच्या तपासणीसाठी आधीच तयारी करून ठेवली आहे. तुरुंगात आयसोलेशन वॉर्ड बनवण्यात आले आहेत. इथे तुरुंगात असलेल्या कैद्यांची तपासणी आणि स्क्रिनिंग केली गेली आहे. याशिवाय नव्या कैद्यांच्या तपासणीवर तुरुंग प्रशासनाने विशेष लक्ष दिले आहे.

करोना रुग्णांना डिस्चार्ज देण्यासाठी आता हे नवे नियम

देशात करोनाचे रुग्ण वाढत आहेत. आज सोमवारी आरोग्य मंत्रालयाने दिलेल्या माहितीनुसार देशातील करोना रुग्णांची संख्या ही ६७१५२ इतकी झाली आहे. तर दिल्लीतील करोना रुग्णांची संख्या ६९२३ वर पोहोचली आहे. यापैकी २०६९ जण बरे झाले आहे. तर ७३ जणांचा मृत्यू झाला आहे. देशात आतापर्यंत करोनाने एकूण २२०६ जणांना बळी गेला आहे.