नवी दिल्ली : राष्ट्रीय जनता दलाचे अध्यक्ष लालू प्रसाद यादव, पत्नी राबडी देवी आणि मुलगा तेजस्वी यादव यांना दिल्ली कोर्टाने सोमवारी आयआरसीटीसी आर्थिक गैरव्यवहार प्रकरणातील आरोपी म्हणून समन्स बजावले. अतिरिक्त सत्र न्यायाधीश अरूण भारद्वाज यांनी या प्रकरणातील आरोपपत्राची दखल घेऊन हे समन्स बजावले असून आरोपींना ६ ऑक्टोबर रोजी कोर्टासमोर हजर राहण्याचे आदेश दिले आहेत. लालू हे सध्या रांची येथील कारागृहामध्ये कैदेत असून त्यांच्याविरुद्ध कोर्टाने वॉरंटही काढले आहे. भारतीय रेल्वे खानपान आणि पर्यटन महामंडळाची (आयआरसीटीसी) दोन हॉटेल चालवण्याचे कंत्राट खासगी कंपनीला देण्यामध्ये कथित गैरव्यवहार झाल्याशी संबंधित खटल्याची कोर्टामध्ये सुनावणी सुरू आहे.
लालू, राबडींना दिल्ली कोर्टाचे समन्स
राष्ट्रीय जनता दलाचे अध्यक्ष लालू प्रसाद यादव, पत्नी राबडी देवी आणि मुलगा तेजस्वी यादव यांना दिल्ली कोर्टाने सोमवारी आयआरसीटीसी आर्थिक गैरव्यवहार ...
Maharashtra Times 18 Sep 2018, 4:00 am