gautam gambhir : दिल्लीत ज्यांना Fabiflu हवे आहे, त्यांनी गौतम गंभीरच्या या पत्त्यावर जावं

नवी दिल्लीः राजधानी दिल्लीत करोना रुग्णांची संख्या वेगाने वाढत आहे. अनेक हॉस्पिटल्समध्ये ऑक्सिजनचा तुटवडा जाणवत आहे. काही ठिकाणी औषधंही मिळत नाहीएत. वाढत्या रुग्णसंख्येमुळे रुग्णांच्या नातेवाईकांना अनेक समस्यांचा सामना करावा लागत आहे. अशा बिकट स्थितीत पूर्व दिल्लीतील भाजप खासदार गौतम गंभीर ( gautam gambhir ) हे आपल्या मतदारसंघातील नागरिकांना मोफत फॅबीफ्लू ( Fabiflu ) उपलब्ध करून देणार आहेत.

पूर्व दिल्ली लोकसभा मतदारसंघाचे खासदार गौतम गंभीर यांनी यासंदर्भात ट्वीट केलं आहे. पूर्व दिल्लीतील नागरिकांना फॅबीफ्लू (fabiflu ) हवे असल्यास माझ्या कार्यालयात २ जागृती एन्क्लेव्ह येथे सकाळी १० ते संध्याकाळी ५ वाजेपर्यंत मोफत मिळेल. ज्या हे औषध हवं आहे, त्यांनी आपलं आधारकार्ड आणि डॉक्टरांचं प्रिस्क्रीप्शन सोबत आणावं, असं आवाहन गौतम गंभीर यांनी केलं आहे.

वरील ट्वीट करण्यापूर्वी गौतम गंभीर यांनी दिल्लीतील करोनाच्या स्थितीवरून आम आदमी पार्टीवर टीका केली. दिल्लीत बेडची कमतरता आणि ऑक्सिजनच्या तुटवड्याला मुख्यमंत्री अरविंद केजरीवाल हे जबाबदार आसल्याचा आरोप गंभीर यांनी केला. दिल्ली सरकारकडे कुठेलीही दूरदृष्टी नाहीए. कोट्यवधींचा खर्च केला. पण दिल्लीत ऑक्सिजनची व्यवस्था करता आली नाही, असा आरोप गंभीर यांनी केला.

Covishield : लसीची किंमत केंद्रासाठी १५० रुपये मग राज्यांसाठी ४०० रुपये का? विरोधकांचा प्रश्न

दिल्लीत गेल्या काही दिवसांपासून करोना रुग्णांची संख्या अतिशय वेगाने वाढत आहे. दिल्लीत एका दिवसात सर्वाधिक नवीन रुग्ण आढळून येण्यासह मृत्युही नोंदवले गेले आहेत. दिल्लीत गेल्या २४ तासांत करोनाचे २८,३९५ रुग्ण आढळले आहेत.

दिलासा! करोनाच्या मल्टीपल व्हेरियंट आणि डबल म्युटेंट स्ट्रेनवरही कोवॅक्सिन प्रभावी, ICMR चा दावा

दुसरीकडे, मुख्यमंत्री अरविंद केजरीवाल यांनी पुन्हा ट्वीट केलं आहे. दिल्लीत ऑक्सिजनचा तुटवडा मोठ्या प्रमाणावर आहे. गंभीर संकट निर्माण झाले आहे. केंद्र सरकारने ऑक्सिजनची लवकरात लवकर व्यवस्था करावी. हॉस्पिटल्समध्ये फक्त काही तासांपुरताच ऑक्सिजन बाकी आहे, असं मुख्यमंत्री केजरीवाल म्हणाले.