३५ तुकडे करुनही तो शांत झाला नाही, त्याला श्रद्धाची प्रत्येक आठवण पुसून टाकायची होती, म्हणून...

नवी दिल्ली: श्रद्धा हत्याकांड प्रकरणात रोज नवनवीन गोष्टी समोर येत आहेत. मात्र, त्यानंतरही दिल्ली पोलिसांकडे ठोस पुरावे असल्याचे दिसत नाही. आता आफताबने दिल्ली पोलिसांसमोर आणखी एक खुलासा केला आहे. श्रद्धाच्या मृतदेहाचे तुकडे करून आपण काय केले हे आरोपीने पोलिसांना सांगितले.

दिल्ली पोलिसांच्या चौकशीत आफताबने श्रद्धाबद्दल त्याच्या मनात असलेला तिरस्कार उघड केला. त्याने सांगितले की, हत्येनंतर २३ मे रोजी त्याने संपूर्ण फ्लॅट तपासला होता. साफसफाई आणि शोधादरम्यान आफताबला श्रद्धाची घरात असलेली प्रत्येक वस्तू शोधून ती नष्ट करायची होती.

आफताबने चौकशीदरम्यान सांगितले की, त्याच्या बेडरुममध्ये ३ मोठे फोटो होते, ज्यामध्ये दोन फोटो श्रद्धाचे होते. एक फोटो उत्तराखंडच्या दौऱ्यातील आणखी एक फोटो म्हणजे २०२० मध्ये आफताबसोबतचा मुंबईच्या गेटवे ऑफ इंडियाचा होता. आफताबने आधी तिन्ही फोटोंच्या फ्रेम्स तोडल्या आणि नंतर आग लावून तिन्ही फोटो जाळून टाकले.

हेही वाचा-श्रद्धाचं शीर सापडलं? गुरुग्राममध्ये पोलिसांच्या हाती पॅकेट, आफताबने सांगितलं ३५ नाही तर...

किचनमध्ये जाळला श्रद्धाचा फोटो

आफताबने सांगितले की, त्याला श्रद्धाशी संबंधित प्रत्येक पुरावा त्याला नष्ट करायचा होता, त्यासाठी त्याने २३ मे रोजी घरात असलेले श्रद्धाचे सामान एका पिशवीत भरले होते. ही बॅगही पोलिसांनी घरातून जप्त केली आहे. ज्यामध्ये श्रद्धाचे कपडे आणि शूज होते. याशिवाय, किचनमध्ये आफताबने तीन फोटो जळाले होते.

आफताब श्रद्धाचा तिरस्कार करू लागला होता

आफताब श्रद्धाचा इतका तिरस्कार करु लागला की, त्याने गांजा पिऊन फक्त तिची हत्याच केली नाही. तर त्यानंतर त्याने तिच्या मृतदेहाचे ३५ तुकडे केले आणि नंतर अशा ठिकाणी फेकून दिली जेथून पोलीस ते परत मिळवू शकणार नाहीत. एवढेच नाही तर यानंतरही त्याचा द्वेष संपला नाही म्हणून त्याने श्रद्धाचे फोटोही जाळून टाकले.

दिल्ली पोलीस सुमारे आफताबच्या फ्लॅटवर तपासासाठी गेले होते. तेथून ते 3 तासांनंतर दोन काळ्या पॅकेटमध्ये काही वस्तू घेऊन निघाले. आफताबही पोलिसांच्या पथकासोबत होता. पोलीस तिसऱ्यांदा या फ्लॅटवर आले होते. यावेळी पोलिसांनी क्राइम सीन रिक्रिएट केला. याशिवाय, उत्तराखंड आणि हिमाचल प्रदेशच्या जंगलातही पोलिसांचे पथक पुरावे गोळा करण्यात गुंतले आहेत.

हेही वाचा-तुम्हीही व्हिस्कीमध्ये थंड पाणी मिक्स करता? पाहा तज्ज्ञ काय सांगतात

काय आहे श्रद्धा खून प्रकरण?

दिल्लीतील मेहरौली येथील मुंबईतील आफताब पेशाने शेफ आणि फोटोग्राफर होता. त्याने १८ मे रोजी त्याची लिव्ह-इन पार्टनर श्रद्धा वालकरची गळा आवळून हत्या केली. यानंतर मृतदेहाचे ३५ तुकडे करण्यात आले, ते ठेवण्यासाठी त्याने ३०० लिटरचा फ्रीजही खरेदी केला. पुढे अनेक दिवस तो हळूहळू ते तुकडे जंगलात जाऊन फेकत राहिला.