दिल्ली: १२ वर्षाच्या मुलासोबत चौघांचं भयंकर कृत्य, गुप्तांगात रॉड घातला

नवी दिल्ली: दिल्ली पुन्हा एकदा हादरली आहे. दिल्लीत पुन्हा एकदा अत्यत क्रूर गुन्हा घडला आहे. येथे एका १२ वर्षांच्या मुलावर अत्याचार करण्यात आले आहेत. सीलमपूर परिसरात ४ जणांनी या मुलावर सामूहिक बलात्कार केल्याचा आरोप आहे. त्यानंतर लाठ्याकाठ्यांनी त्याला बेदम मारहाणही करण्यात आली. त्यानंतर आरोपीने क्रौर्याची परिसीमा ओलांडून मुलाच्या गुप्तांगात रॉड टाकला, त्यामुळे तो गंभीर जखमी झाला. याप्रकरणी दिल्ली महिला आयोगाने माहिती दिली असून पोलिसांकडून ४ दिवसांत संपूर्ण प्रकरणाची माहिती मागवली आहे. दिल्ली पोलिसांनी याप्रकरणी रविवारी रात्री उशिरा दोन अल्पवयीन आरोपींना अटक केली आहे.

पोलिसांनी दिलेल्या माहितीनुसार, पीडित मुलावर दिल्लीतील रुग्णालयात उपचार सुरु आहेत. त्याच्यावर ३ अल्पवयीन मुलांनी लैंगिक अत्याचार केले आहेत. त्यापैकी एक त्याचा चुलत भाऊ आहे. दिल्ली महिला आयोगाच्या अध्यक्षा स्वाती मालीवाल यांनी याबाबत ट्वीट केले, 'दिल्लीत मुलीही आहेत काच नाही तर मुलंही सुरक्षित नाहीत. एका १२ वर्षीय मुलावर ४ जणांनी अमानुषपणे बलात्कार केला आणि लाठ्यांनी मारहाण करुन बेशुद्ध अवस्थेत सोडले. आमच्या टीमने या प्रकरणी एफआयआर दाखल केला आहे. सध्या १ आरोपीला अटक केली आहे, तर ३ अजूनही फरार आहेत, दिल्ली पोलिसांनी नोटीस बजावली.



हेही वाचा -पुण्यात चाललंय तरी काय? प्रेमप्रकरणातून डोक्यात बिअरची बाटली, झाडाची कुंडी घातली

२२ सप्टेंबर रोजी दुपारी ३.१० च्या सुमारास सीलमपूर पोलीस ठाण्यातील एलएनजेपी रुग्णालयातून माहिती मिळाली की ३ दिवसांपूर्वी एका १० वर्षांच्या मुलावर शारीरिक अत्याचार करण्यात आले होते, त्याला येथे दाखल करण्यात आले आहे. पोलिसांच्या पथकाने रुग्णालयात धाव घेऊन मुलाच्या पालकांची भेट घेतली. मात्र, त्यांनी जबाब देण्यास नकार दिला, अशी माहिती पोलिसांनी दिली.

२४ सप्टेंबरपर्यंत कुटुंबीयांनी जबाब दिला नाही. २४ सप्टेंबर रोजी पोलिसांनी 'सखी'च्या समुपदेशकाची व्यवस्था करुन मुलाच्या आईचे समुपदेशन केले. यादरम्यान, मुलाच्या आईने खुलासा केला की तीन दिवसांपूर्वी म्हणजेच १८ सप्टेंबर रोजी तिच्या मुलाचा तीन मित्रांनी शारीरिक छळ केला आणि तिच्यावर बलात्कार केला. आईच्या वक्तव्याच्या आधारे २४ सप्टेंबरला पॉक्सो कायदा आणि इतर कलमांतर्गत एफआयआर नोंदवण्यात आला.

हेही वाचा -जबर मारहाण, मग कालव्यात फेकलं, अंकिता भंडारीच्या पोस्टमार्टम अहवालातून धक्कदायक माहिती उघड

आरोपी शेजारीच, त्यात चुलत भावाचाही समावेश

तपासादरम्यान असे समोर आले की, पीडित आणि आरोपी हे शेजारी आणि मित्र असून त्यांचे वय १०-१२ वर्षे आहे. आरोपींपैकी एक पीडित मुलाचा नातेवाईक (चुलत भाऊ) आहे. पोलिसांनी आरोपी दोन अल्पवयीन मुलांना अटक केली आहे. त्यांना बाल न्याय मंडळासमोर (जेजेबी) हजर करण्यात आले. तर, तिसऱ्या अल्पवयीन आरोपीचा शोध सुरु आहे. पीडित बालक सध्या वैद्यकीय निरीक्षणाखाली आहे.

स्वाती यांनी नोटीसमध्ये लिहिले- 'दिल्ली महिला आयोगाकडे एका महिलेची तक्रार आली आहे ज्यांनी सांगितले आहे की दिल्लीतील सलीमपूरमध्ये तिच्या १२ वर्षांच्या मुलावर क्रूरपणे लैंगिक अत्याचार करण्यात आले आहेत. फिर्यादीत म्हटले आहे की, १८ सप्टेंबर रोजी तिच्या मुलावर४ जणांनी सामूहिक बलात्कार केला. आरोपींनी मुलाच्या गुप्तांगात रॉडही घातला. तसेच त्याला विटा आणि काठ्यांनी बेदम मारहाण केली. या घटनेची माहिती मुलाने २२ सप्टेंबर रोजी आई-वडिलांना दिली. त्यानंतर पालकांनी तत्काळ दिल्ली पोलिसांना या प्रकरणाची माहिती दिली.

मुलाला सध्या अत्यंत गंभीर अवस्थेत रुग्णालयात दाखल करण्यात आले आहे. ही अत्यंत गंभीर बाब आहे. त्यांनी या प्रकरणी दिल्ली पोलिसांकडून एफआयआरची प्रत आणि अटक आरोपींचा तपशील मागितला आहे. त्याचबरोबर सर्व आरोपींना अटक झाली नसेल, तर त्याची कारणेही द्यावीत, असेही म्हटले आहे. या संपूर्ण प्रकरणातील कारवाईचा सविस्तर अहवाल त्यांनी मागवला आहे, असं स्वाती म्हणाल्या.