धक्कादायक! व्हिडिओ कॉलवर न्यूड झाले अन् व्यापारी, पोलीस, सरकारी अधिकारी...

नवी दिल्ली : दिल्ली पोलिसांच्या गुन्हे शाखेने राजस्थानमधून मेवात येथील दोघांना अटक केली आहे. दोघांवर आंतरराज्यीय सेक्सटॉर्शन रॅकेट (Inter-state sextortion racket) चालवल्याचा आरोप आहे. या रॅकेटमध्ये व्हिडिओ चॅट करणारी एक महिला देखील सामील होती. ही महिला गोडगोड बोलून हळूहळू जवळीक वाढवायची आणि त्यांना कपडे काढायला सांगायची. न्यूट चॅट करून त्यांना आपल्या जाळ्यातही अडकवायची. न्यूड व्हिडिओ चॅट रेकॉर्ड करून या रॅकेटमधून पीडितांना ब्लॅकमेल करायचे. या टोळीने अनेक हायप्रोफाइल नावांसह २०० जणांचा बळी केल्याचा आरोप आहे. पोलीस आणि सरकारी अधिकाऱ्यांशिवाय अनेक राज्यांतील व्यावसायिकांना ब्लॅकमेल करून या टोळीने वसुली केली. या टोळीने वसुलीची रक्कम मिळविण्यासाठी १४ बँक खात्यांचा वापर केला. या खात्यांमधील व्यवहार तपासले जात आहेत. या खात्यांमध्ये अलीकडच्या काळात सुमारे २२ लाख रुपये जमा झाल्याचे प्राथमिक तपासात दिसून आले आहे, अशी माहिती सहआयुक्त (गुन्हे) धीरज कुमार यांनी दिली.

भरतपूरचे दोन चोरटे सूत्रधार असून

अनेक तक्रारी आल्यानंतर डीसीपी जॉय तिरके आणि निरीक्षक अनिल शर्मा यांच्या पथकाने तपास सुरू केला. दिल्ली, हरयाणा, राजस्थान आणि गुजरातपर्यंत या नेटवर्कच्या खुणा सापडल्या. भरतपूर आणि अलवर येथून दोन जणांची नावे सांगणाऱ्या काही संशयितांना अटक केली. हे दोघेच या संपूर्ण रॅकेटचे मूळ असल्याचा आरोप आहे. अनेक छापे टाकूनही आरोपी पकडले गेले नाहीत. त्यानंतर दिल्ली पोलिसांच्या पथकाने मेवातमध्ये तळ ठोकला. समयदीन आणि मुनफीद अशी दोघांची नावे असल्याचे तपासात समोर आले. दोघांवर प्रत्येकी १०,००० रुपयांचे बक्षीस ठेवण्यात आले होते. माहितीच्या आधारे त्याला मेवात येथील सुभाष चौकातून पकडून दिल्लीत आणण्यात आले.

कसे ओढत होते आपल्या जाळ्यात?

> सोशल मीडियावर सक्रिय असलेल्या ४५ ते ६० वयोगटातील नागरिकांना लक्ष्य करायचे, अशी कबुली दोन्ही मुख्य आरोपींनी दिल्याचे पोलिसांनी सांगितले.

> या दोघांनी सुंदर महिलांचे फोटो वापरून अनेक बनावट प्रोफाइल तयार केले आणि नंतर त्यांना फ्रेंड रिक्वेस्ट पाठवली.

> सोशल मीडियावरच चर्चा सुरू झाल्यावर काही दिवसांत मैत्री करायचे. व्हॉट्सअॅप नंबर शेअर व्हायचा आणि सेक्सटिंग सुरू व्हायचं.

> यानंतर टार्गेट्सना व्हिडिओ कॉलवर बोलावण्यात यायचे. टोळीतील महिला व्हिडिओ कॉलवर टार्गेटला कपडे काढायला सांगायची.

> टार्गेट न्यूड होत असताना ही टोळी स्क्रीन रेकॉर्ड करायची. यानंतर त्यांना ब्लॅकमेल करण्याचा प्रकार सुरू व्हायचा.

> बहुतेक प्रकरणांमध्ये तक्रारकर्त्यांनी सांगितले की त्यांनी कॉलवर काहीही केले नाही. पण त्यांचे फोटो मॉर्फ केले गेले. इतर प्रकरणांमध्ये, त्यांच्याकडे सापडलेल्या व्हिडिओंशी छेडछाड करण्यात आल्याचे सांगण्यात आले, असे पोलीस म्हटले.

> पैसे न दिल्यास फोटो आणि व्हिडीओ उघड करू, अशी धमकी टार्गेट्सना देण्यात आली.

> जर कोणी एकदा पैसे दिले तर त्याचा अर्थ तो पुन्हा पुन्हा पैसे देऊ शकतो. साधारणपणे ई-वॉलेटचा वापर पेमेंटसाठी केला जायचा.

देशभर पसरले होते सेक्सटॉर्शनचे रॅकेट

या टोळीतील चार जणांना यापूर्वी गुन्हे शाखेने अटक केली होती. टोळीचा एक सदस्य - ४२ वर्षीय नखरुद्दीन याला गेल्या वर्षी ऑगस्टमध्ये अटक करण्यात आली होती. त्यानंतर तपासादरम्यान जाहिद, निशात आणि आदित्य या तिघांना अटक करण्यात आली. देशाच्या सर्व भागातील मुख्यतः दिल्ली आणि एनसीआर, राजस्थान, पंजाब, हरयाणा आणि दक्षिण भारतातील अनेक जण या टोळीच्या जाळ्यात अडकले. समयदीन आणि मुनफेद या दोघांनाही नंतर कोर्टात हजर करण्यात आले. त्यांना दोन दिवसांची पोलिस कोठडी सुनावण्यात आली आहे. त्यांनी टोळीतील इतर अनेक जणांची नावे आणि तपशील उघड केला आहे.