अ‍ॅपशहर

फडणवीस राष्ट्रीय राजकारणात जाणार?

भाजपचे ज्येष्ठ नेते व्यंकय्या नायडू यांना उपराष्ट्रपतिपदाची उमेदवारी देण्यात आल्याने मुख्यमंत्री देवेंद्र फडणवीस यांचा राष्ट्रीय राजकारणात प्रवेश होण्याची शक्यता बळावली आहे. नायडू यांच्या उमेदवारीमुळे भाजपच्या संसदीय मंडळाची जागा रिक्त झाली असून या जागेवर फडणवीस यांची नियुक्ती होऊ शकते, अशी माहिती सूत्रांनी दिली आहे.

Maharashtra Times 19 Jul 2017, 10:12 am
मटा ऑनलाइन वृत्त । नवी दिल्ली
महाराष्ट्र टाइम्स.कॉम devendra fadanvis in national politics
फडणवीस राष्ट्रीय राजकारणात जाणार?


भाजपचे ज्येष्ठ नेते व्यंकय्या नायडू यांना उपराष्ट्रपतिपदाची उमेदवारी देण्यात आल्याने मुख्यमंत्री देवेंद्र फडणवीस यांचा राष्ट्रीय राजकारणात प्रवेश होण्याची शक्यता बळावली आहे. नायडू यांच्या उमेदवारीमुळे भाजपच्या संसदीय मंडळाची जागा रिक्त झाली असून या जागेवर फडणवीस यांची नियुक्ती होऊ शकते, अशी माहिती सूत्रांनी दिली आहे.

भाजपच्या संसदीय मंडळात एकूण १२ सदस्य आहेत. ही समितीच पक्षाशी संबंधित सर्व महत्त्वाचे निर्णय घेत असते. पंतप्रधान नरेंद्र मोदी, भाजपचे राष्ट्रीय अध्यक्ष अमित शहा, राजनाथ सिंह, अरुण जेटली, व्यंकया नायडू, शिवराजसिंह चौहान, सुषमा स्वराज आणि नितीन गडकरी यांचा त्यात समावेश आहे. नायडू यांना उपराष्ट्रपतिपदाची उमेदवारी मिळाल्यानं संसदीय मंडळातील त्यांची जागा रिक्त झाली आहे. त्या जागेसाठी काही मोठ्या नेत्यांच्या नावांची चर्चा सुरू असून त्यात देवेंद्र फडणवीस यांचे नाव आघाडीवर आहे. राजस्थानच्या मुख्यमंत्री वसुंधराराजे शिंदे आणि छत्तीसगडचे मुख्यमंत्री रमणसिंह यांचेही नाव चर्चेत आहे. मात्र, या तिघांपैकी फडणवीस यांच्या नावाला पसंती मिळण्याची दाट शक्यता आहे. त्यांचं नाव निश्चित झाल्यास भाजपच्या संसदीय कार्यमंडळात समाविष्ट होणारे शिवराजसिंह चौहान यांच्या नंतरचे ते दुसरे मुख्यमंत्री ठरतील. केंद्रातही तीन-चार मंत्रीपदे रिक्त असल्याने फडणवीस यांना राष्ट्रीय राजकारणात घेऊन नंतर दिल्लीत त्यांचे पुनर्वसन करण्याचा विचारही भाजपच्या गोटात सुरू असल्याचं सांगण्यात येतं.

महत्वाचे लेख

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
ताज्या बातम्यांसह अपडेट राहण्यासाठी लाइक करा Maharashtra Times फेसबुकपेज