नवे बूट पहिल्यांदा चावतातच: धर्मेंद्र प्रधान

इंदूरः नवे बूट पहिल्यांदा घातल्यावर ते चावतातच, असे उत्तर केंद्रीय मंत्री धर्मेंद्र प्रधान यांनी माल व सेवा करावर (जीएसटी) टीका करणाऱ्यांना ‌मंगळवारी दिले.

नोटाबंदी आणि जीएसटीमुळे रोजगारात घट झाल्याचा आरोप त्यांनी या वेळी फेटाळला. एनडीए सरकारविरोधात असे चुकीचे वातावरण तयार केले जात आहे, अशी टीका त्यांनी केली. ‘देशावर गेल्या तीन पिढ्या राज्य करणाऱ्यांनी तरुणांच्या नावाने नक्राश्रू ढाळू नयेत, असे त्यांनी नेहरू-गांधी घराण्याचा थेट उल्लेख न करता म्हटले.