Dipak Misra: Justice Dipak Misra Sworn In As Chief Justice Of India
दीपक मिश्रा नवे सरन्यायाधीश
न्या. दीपक मिश्रा यांनी सोमवारी देशाचे ४५वे सरन्यायाधीश म्हणून शपथ घेतली. राष्ट्रपती भवनातील दरबार हॉलमध्ये झालेल्या छोटेखानी सोहळ्यात राष्ट्रपती रामनाथ कोविंद यांनी मिश्रा यांना शपथ दिली. न्या. जे. एस. केहर सोमवारी निवृत्त झाल्यानंतर ६४वर्षीय मिश्रांनी त्यांची जागा घेतली.
Maharashtra Times29 Aug 2017, 2:52 am
वृत्तसंस्था, नवी दिल्ली
महाराष्ट्र टाइम्स.कॉमदीपक मिश्रा नवे सरन्यायाधीश
न्या. दीपक मिश्रा यांनी सोमवारी देशाचे ४५वे सरन्यायाधीश म्हणून शपथ घेतली. राष्ट्रपती भवनातील दरबार हॉलमध्ये झालेल्या छोटेखानी सोहळ्यात राष्ट्रपती रामनाथ कोविंद यांनी मिश्रा यांना शपथ दिली. न्या. जे. एस. केहर सोमवारी निवृत्त झाल्यानंतर ६४वर्षीय मिश्रांनी त्यांची जागा घेतली. मिश्रा दोन ऑक्टोबर २०१८पर्यंत पदावर राहतील.
सर्वोच्च न्यायालयात ऑक्टोबर २०११मध्ये येण्यापूर्वी मिश्रा हे पाटणा आणि दिल्ली उच्च न्यायालयाचे मुख्य न्यायाधीश होते. डिसेंबर २०१६ मध्ये झालेल्या सामूहिक बलात्कार प्रकरणात चौघा आरोपींना फाशीची शिक्षा सुनावलेल्या घटनापीठात मिश्रा यांचाही समावेश होता. देशभरातील चित्रपटगृहांत राष्ट्रगीत वाजवणे सक्तीचे करण्याचा निर्णयही त्यांचाच होता. दरम्यान, शपथविधी सोहळ्यास उपराष्ट्रपती एम. व्यंकय्या नायडू, पंतप्रधान नरेंद्र मोदी, माजी पंतप्रधान डॉ. मनमोहन सिंग, कॉँग्रेस अध्यक्षा सोनिया गांधी उपस्थित होते.
> ओडिशा उच्च न्यायालयात सहायक न्यायाधीश म्हणून नियुक्ती
> मध्य प्रदेशात बदली झाल्यानंतर १९९७मध्ये कायम न्यायाधीश
> पाटणा, दिल्ली उच्च न्यायालयाचे मुख्य न्यायाधीश म्हणून काम
> सर्वोच्च न्यायालयात २०११मध्ये प्रवेश
निरोपावेळी केहर झाले सद्गदीत
कोर्टाचे कामकाज कागदविरहित अर्थात पेपरलेस होण्याचे आपले स्वप्न लवकरच सत्यात येईल, अशी आशा मावळते सरन्यायाधीश जे. एस. केहर यांनी मंगळवारी व्यक्त केली. न्यायव्यवस्था डिजिटल करण्याच्या प्रयत्नांना साथ दिल्याबद्दल केहर यांनी वकील संघटनेसह संबंधित सर्वांचे आभार मानले. याप्रसंगी ते सद्गदीत झाले होते.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.