नॅशनल स्टॅटीकल ऑफीसचा अहवाल
नॅशनल स्टॅटीकल ऑफीसच्या (National Statistical Office) एका अहवालात महिला आणि पुरुषांच्या कामकाजाचं आकलन करण्यात आलंय. भारतात वेळेचा उपयोग २०१९ चं सर्वेक्षण नॅशनल स्टॅटीकल ऑफीसनं पहिल्यांदाच केलंय. जानेवारी २०१९ ते डिसेंबर २०१९ दरम्यान करण्यात आलेल्या या सर्वेक्षणात ग्रामीण तसंच शहर - उपनगरांच्या महिला आणि पुरुषांशी संवाद साधण्यात आला होता.
टाईम यूज इन इंडिया २०१९
या अहवालातील आकडे धक्कादायक आहेत. 'टाईम यूज इन इंडिया २०१९' (Time Use in India 2019) नावाच्या या अहवालात, महिला एका दिवसात सरासरी २९९ मिनिटे घरगुती कामांसाठी देतात. परंतु, या कामासाठी त्यांना पैसे मिळत नाही. तर पुरुष सरासरी ९७ मिनिटे घरगुती कामांसाठी देतात.
पैशांचा मोबदला नाही
याप्रमाणे एका दिवसात महिला घरातल्या सदस्यांच्या आरोग्याची काळजी घेण्यासंबंधी कामांत सरासरी १३४ मिनिटे वेळ देतात. तर पुरुष मात्र अशा कामांसाठी केवळ ७६ मिनिटांचा वेळ देतात. या कामांवर खर्च होणाऱ्या वेळेचा विचार केला तर, महिला सरकारी १६.९ टक्के घरगुती कामं कोणत्याही पैशांच्या मोबदल्यात करतात तर २.६ टक्के वेळ त्या घरातल्या सदस्यांसाठी देतात. तर पुरुष मात्र याच कामांसाठी सरासरी अनुक्रमे १.७ टक्के आणि ०.८ टक्के वेळ देतात.
ग्रामीण भागातही 'राबणाऱ्या' महिला
घरगुती कामांसाठी पुरुषांच्या तुलनेत महिला प्रत्येक ठिकाणी आघाडीवर दिसतात. ग्रामीण भागांत महिला शेतांतही राबताना दिसतात. याशिवाय त्या गाई-गुरांसाठी चारा-पाण्याचीही सोय करतात. तर शहरांमध्ये पत्नी घरगुती कामकाजात पतीहून अधिक मेहनत करतात... या गोष्टीसाठी त्यांना पैशांचा मोबदला मिळत नाही.