मटा ऑनलाइन वृत्त । नवी दिल्ली
बँकेतून पाचशे व हजारच्या जुन्या नोटा बदलून घेताना ओळखपत्रांच्या प्रती काढण्यासाठी धावाधाव करण्याची अजिबात गरज नसल्याचं रिझर्व्ह बँकेनं स्पष्ट केलं आहे. नोटा बदलून देण्यासाठी ग्राहकांकडून ओळखपत्रांच्या छायांकित प्रती घेण्याचे कोणतेही निर्देश बँकांना देण्यात आले नसल्याचं 'आरबीआय'नं म्हटलं आहे.
रिझर्व्ह बँकेनं एका ई-मेलद्वारे 'टाइम्स ऑफ इंडिया'ला ही माहिती दिली आहे. 'नोटा बदलून घेताना संबंधित व्यक्तीनं स्वत: उपस्थित राहून केवळ त्याचं मूळ ओळखपत्र दाखवणं अपेक्षित आहे. ओळखपत्राची झेरॉक्स प्रत जमा करण्याची गरज नाही, असं आरबीआयनं म्हटलं आहे. स्टेट बँक ऑफ इंडियाच्या वरिष्ठ अधिकाऱ्यांनीही यास दुजोरा दिला आहे. आरबीआयनं दिलेला फॉर्म आणि मूळ ओळखपत्र तपासणं इतकंच बँकांनी करायचं आहे, असं या अधिकाऱ्यानं सांगितलं.
स्टेट बँकेच्या काही शाखांसह इतर अनेक बँका नोटा बदलून देताना ग्राहकांकडून ओळखपत्राची प्रत घेत आहेत. काही बँकांनी शाखेतच झेरॉक्सची व्यवस्था करून दिली आहे. या साऱ्यामुळं नोटा बदलून देण्यास बराच वेळ लागत असून बँकांबाहेर रांगा वाढत असल्याचं समोर आलं आहे.
बँकेतून पाचशे व हजारच्या जुन्या नोटा बदलून घेताना ओळखपत्रांच्या प्रती काढण्यासाठी धावाधाव करण्याची अजिबात गरज नसल्याचं रिझर्व्ह बँकेनं स्पष्ट केलं आहे. नोटा बदलून देण्यासाठी ग्राहकांकडून ओळखपत्रांच्या छायांकित प्रती घेण्याचे कोणतेही निर्देश बँकांना देण्यात आले नसल्याचं 'आरबीआय'नं म्हटलं आहे.
रिझर्व्ह बँकेनं एका ई-मेलद्वारे 'टाइम्स ऑफ इंडिया'ला ही माहिती दिली आहे. 'नोटा बदलून घेताना संबंधित व्यक्तीनं स्वत: उपस्थित राहून केवळ त्याचं मूळ ओळखपत्र दाखवणं अपेक्षित आहे. ओळखपत्राची झेरॉक्स प्रत जमा करण्याची गरज नाही, असं आरबीआयनं म्हटलं आहे. स्टेट बँक ऑफ इंडियाच्या वरिष्ठ अधिकाऱ्यांनीही यास दुजोरा दिला आहे. आरबीआयनं दिलेला फॉर्म आणि मूळ ओळखपत्र तपासणं इतकंच बँकांनी करायचं आहे, असं या अधिकाऱ्यानं सांगितलं.
स्टेट बँकेच्या काही शाखांसह इतर अनेक बँका नोटा बदलून देताना ग्राहकांकडून ओळखपत्राची प्रत घेत आहेत. काही बँकांनी शाखेतच झेरॉक्सची व्यवस्था करून दिली आहे. या साऱ्यामुळं नोटा बदलून देण्यास बराच वेळ लागत असून बँकांबाहेर रांगा वाढत असल्याचं समोर आलं आहे.