शंकाखोरांची बोलती बंद

नवी दिल्ली : भारतीय लष्कराने सोपविलेल्या व्हिडीओ चित्रिकरणामुळे सर्जिकल हल्ल्याविषयी संशय व्यक्त करणारे अरविंद केजरीवाल, मुंबई विभागीय काँग्रेसचे अध्यक्ष संजय निरुपम, माजी केंद्रीय गृहमंत्री पी. चिदंबरम यांच्यासह अनेकांची बोलती बंद झाली आहे. काँग्रेसच्या एका ज्येष्ठ नेत्याने निरुपम यांच्याशी संपर्क साधून त्यांना फटकारले.

जाहीर करणे धोकादायक

सर्जिकल हल्ल्यांचा व्हिडीओ दाखविला जाऊ नये, अशी भूमिका माजी लष्करी अधिकाऱ्यांनी घेतली आहे. लष्करी कारवाईचे चित्रिकरण सार्वजनिक केल्यास लष्कराचे डावपेच अकारण उघड होऊन पाकिस्तानला त्याचा फायदा होईल,असे भारताचे माजी लष्करप्रमुख शंकर रायचौधरी आणि जनरल जे. जे. सिंग म्हणाले.