बदाऊँ : डॉ. बाबासाहेब आंबेडकर यांच्या पुतळ्याच्या रंगावरून उत्तर प्रदेशातील कुवारगाव येथे वाद झाला असून, अखेर प्रशासनने पुतळ्याला निळा रंग देऊन वाद शमविला.
कुवारगाव येथे डॉ. बाबासाहेब आंबेडकरांच्या पुतळ्याची शुक्रवारी रात्री विटंबना करण्यात आली होती. या घटनेनंतर त्याठिकाणी नवीन पाच फुटी पुतळा बसविण्यात आला. या पुतळ्याला केशरी रंग देण्यात आला होता. मात्र हा रंग हिंदुत्वाशी संबंधित असल्याने वाद झाला. बहुजन समाज पक्ष आणि समाजवादी पक्षाच्या कार्यकर्त्यांनी त्यास आक्षेप घेतला होता. अखेर पुतळ्याला निळा रंग देऊन वाद मिटवण्यात आला.