पूर्व किनारपट्टीला चक्रीवादळ धडकणार

वृत्तसंस्था, नवी दिल्ली

आंध्र प्रदेश, ओडिशा आणि तेलंगणच्या किनारपट्टीवर रोणू हे चक्रीवादळ धडकणार असून या राज्यांत मुसळधार पावसाचा इशारा भारतीय हवामान खात्याने दिला आहे. हे चक्रीवादळ सर्वप्रथम २१ मे आणि २२ मे दरम्यान बांगलादेशात धडकणार आहे.

चक्रीय स्थिती गुरुवारी रात्री अ​धिक तीव्र होणार असून हे वादळ वेगाने उत्तरेकडे सरकत आहे. २१ मेच्या मध्यरात्री ते २२ मेच्या पहाटेदरम्यान हे वादळ बांगलादेशचा दक्षिण किनारा ओलांडेल. इशारा दिलेल्या सर्व राज्यांमध्ये येत्या २४ तासांत मुसळधार पावसाची शक्यता आहे.

पुढच्या ४८ तासांत प. बंगाल, आंध्र प्रदेश आणि दक्षिण ओडिशामध्ये समुद्र खवळलेला राहील.