मटा ऑनलाइन वृत्त । नवी दिल्ली
काँग्रेसचे ज्येष्ठ नेते, माजी केंद्रीय अर्थमंत्री पी. चिदंबरम यांचे चिरंजीव कार्ती चिदंबरम यांच्याविरोधात आज सक्तवसुली संचालनालयाने (ईडी) मोठी कारवाई केली. ईडीने आज केलेल्या कारवाईत कार्ती चिदंबरम यांच्या ९० लाखांच्या संपत्तीसह बँक खाती आणि मुदत ठेवींवर जप्ती आणली आहे. ईडीची ही कारवाई चिदंबरम यांच्यासाठी मोठा दणका असल्याचं मानलं जात आहे.
पी. चिदंबरम यांनी अर्थमंत्री असताना एअरसेल-मॅक्सिस व्यवहाराला २००६ मध्ये मंजुरी दिली होती. तसं ईडीच्या तपासात उघड झालं आहे. त्याबदल्यात कार्ती आणि चिदंबरम यांच्या भाचीच्या कंपनीला मॅक्सिस ग्रुपकडून २ लाख डॉलर मिळाल्याचंही ईडीच्या तपासात उघड झाले होतं. विशेष म्हणजे एअरसेल-मॅक्सिस व्यवहारातील पी. चिदंबरम यांच्या भूमिकेचाही ईडी तपास करत आहे. २००६ मलेशियातील कंपनी असणाऱ्या मॅक्सिसला एअरसेलमध्ये १०० टक्के भागीदारी मिळवून देण्यासाठी चिदंबरम यांनी अनियमितता केल्याचा त्यांच्यावर आरोप आहे. या पार्श्वभूमीवर आज कार्ती चिदंबरम यांच्या घर आणि कार्यलायवर छापे मारून त्यांची बेहिशोबी मालमत्ता जप्त केली आहे.
ईडीने आतापर्यंत एकुण १.१६ कोटी रूपये किंमतीचे चल संपत्ती जप्त केली आहे. त्यात अॅडव्हान्टेज स्ट्रॅटेजिक कंपनीच्या २६ लाख रूपयांच्या बँक ठेवीचाही समावेश आहे. या प्रकरणात मॅक्सिस कंपनीला भागीदारी विकण्यासाठी एअरसेलचे मालक सी. शिवकृष्णन यांच्यावर दबाव आणल्याचा तत्कालिन माहिती व प्रसारण मंत्री दयानिधी मारन यांच्यावर आरोप ठेवण्यात आला होता. त्याबदल्यात मारन यांच्या टेलिव्हिजन बिझिनेसमध्ये मोठ्या प्रमाणावर गुंतवणूक झाल्याचे उघड झाले आहे.
एअरसेल-मॅक्सिस प्रकरणात ईडीने अॅडव्हान्टेज स्ट्रॅटेजिक आणि वासन हेल्थकेअरच्या संचालकांच्या घर आणि कार्यालायांवर छापे मारले होते. त्यानंतर चेस ग्लोबल अॅडव्हायजरी सर्व्हिस प्रायव्हेट लिमिटेडच्या कार्यालयावरही छापे मारण्यात आले होते. कार्ती या कंपनीचे संचालक होते. यावेळी मिळालेल्या कागदपत्रांवरून आणि आयकर विभागाच्या कागदपत्रांवरून कार्ती यांचे अॅडव्हान्टेज स्ट्रॅटेजिक, सेक्वोया आणि वेस्ट ब्रिजशी जवळचे संबंध असल्याचेही तपासात उघड झाले आहे.
काँग्रेसचे ज्येष्ठ नेते, माजी केंद्रीय अर्थमंत्री पी. चिदंबरम यांचे चिरंजीव कार्ती चिदंबरम यांच्याविरोधात आज सक्तवसुली संचालनालयाने (ईडी) मोठी कारवाई केली. ईडीने आज केलेल्या कारवाईत कार्ती चिदंबरम यांच्या ९० लाखांच्या संपत्तीसह बँक खाती आणि मुदत ठेवींवर जप्ती आणली आहे. ईडीची ही कारवाई चिदंबरम यांच्यासाठी मोठा दणका असल्याचं मानलं जात आहे.
पी. चिदंबरम यांनी अर्थमंत्री असताना एअरसेल-मॅक्सिस व्यवहाराला २००६ मध्ये मंजुरी दिली होती. तसं ईडीच्या तपासात उघड झालं आहे. त्याबदल्यात कार्ती आणि चिदंबरम यांच्या भाचीच्या कंपनीला मॅक्सिस ग्रुपकडून २ लाख डॉलर मिळाल्याचंही ईडीच्या तपासात उघड झाले होतं. विशेष म्हणजे एअरसेल-मॅक्सिस व्यवहारातील पी. चिदंबरम यांच्या भूमिकेचाही ईडी तपास करत आहे. २००६ मलेशियातील कंपनी असणाऱ्या मॅक्सिसला एअरसेलमध्ये १०० टक्के भागीदारी मिळवून देण्यासाठी चिदंबरम यांनी अनियमितता केल्याचा त्यांच्यावर आरोप आहे. या पार्श्वभूमीवर आज कार्ती चिदंबरम यांच्या घर आणि कार्यलायवर छापे मारून त्यांची बेहिशोबी मालमत्ता जप्त केली आहे.
ईडीने आतापर्यंत एकुण १.१६ कोटी रूपये किंमतीचे चल संपत्ती जप्त केली आहे. त्यात अॅडव्हान्टेज स्ट्रॅटेजिक कंपनीच्या २६ लाख रूपयांच्या बँक ठेवीचाही समावेश आहे. या प्रकरणात मॅक्सिस कंपनीला भागीदारी विकण्यासाठी एअरसेलचे मालक सी. शिवकृष्णन यांच्यावर दबाव आणल्याचा तत्कालिन माहिती व प्रसारण मंत्री दयानिधी मारन यांच्यावर आरोप ठेवण्यात आला होता. त्याबदल्यात मारन यांच्या टेलिव्हिजन बिझिनेसमध्ये मोठ्या प्रमाणावर गुंतवणूक झाल्याचे उघड झाले आहे.
एअरसेल-मॅक्सिस प्रकरणात ईडीने अॅडव्हान्टेज स्ट्रॅटेजिक आणि वासन हेल्थकेअरच्या संचालकांच्या घर आणि कार्यालायांवर छापे मारले होते. त्यानंतर चेस ग्लोबल अॅडव्हायजरी सर्व्हिस प्रायव्हेट लिमिटेडच्या कार्यालयावरही छापे मारण्यात आले होते. कार्ती या कंपनीचे संचालक होते. यावेळी मिळालेल्या कागदपत्रांवरून आणि आयकर विभागाच्या कागदपत्रांवरून कार्ती यांचे अॅडव्हान्टेज स्ट्रॅटेजिक, सेक्वोया आणि वेस्ट ब्रिजशी जवळचे संबंध असल्याचेही तपासात उघड झाले आहे.