नवी दिल्ली:
पंजाब नॅशनल बँक (पीएनबी) घोटाळ्यातील आरोपी हिरेव्यापारी नीरव मोदीभोवती तपास यंत्रणांनी आवळलेला कारवाईचा फास आणखी घट्ट केला आहे. मोदीच्या मालमत्ता आणि कंपन्यांवर छापेमारी सुरूच असून, गुरुवारी अंमलबजावणी संचालनालयाने (ईडी) नऊ अलिशान कार जप्त केल्या आहेत. सीबीआयनेही मंगळवारी अलिबागमधील अलिशान फार्म हाऊसलाही सील ठोकले होते.
ईडीने एक रोल्ज रॉयस घोस्ट, दोन मर्सिडिज बेंझ जीएल ३५० सीडीआयएस, एक पोर्शे पनामेरा, तीन होंडा, एक टोयोटा फॉर्च्युनर आणि एका टोयोटा इनोव्हा अशा नऊ कार जप्त केल्या आहेत. त्यातील रोल्ज रॉयस कारची किंमत सुमारे ६ कोटी रुपये असल्याचे सांगण्यात येते. याशिवाय, ईडीने मोदीचे ७.८० कोटी रुपये किंमतीचे म्युच्युअल फंड आणि शेअर्सही गोठवले आहेत. मेहुल चोक्सीच्या ग्रुपशी संबंधित ८६.७२ कोटींचे शेअर्स आणि म्युच्युअल फंड्सही गोठवले आहेत.
पंजाब नॅशनल बँक (पीएनबी) घोटाळ्यातील आरोपी हिरेव्यापारी नीरव मोदीभोवती तपास यंत्रणांनी आवळलेला कारवाईचा फास आणखी घट्ट केला आहे. मोदीच्या मालमत्ता आणि कंपन्यांवर छापेमारी सुरूच असून, गुरुवारी अंमलबजावणी संचालनालयाने (ईडी) नऊ अलिशान कार जप्त केल्या आहेत. सीबीआयनेही मंगळवारी अलिबागमधील अलिशान फार्म हाऊसलाही सील ठोकले होते.
ईडीने एक रोल्ज रॉयस घोस्ट, दोन मर्सिडिज बेंझ जीएल ३५० सीडीआयएस, एक पोर्शे पनामेरा, तीन होंडा, एक टोयोटा फॉर्च्युनर आणि एका टोयोटा इनोव्हा अशा नऊ कार जप्त केल्या आहेत. त्यातील रोल्ज रॉयस कारची किंमत सुमारे ६ कोटी रुपये असल्याचे सांगण्यात येते. याशिवाय, ईडीने मोदीचे ७.८० कोटी रुपये किंमतीचे म्युच्युअल फंड आणि शेअर्सही गोठवले आहेत. मेहुल चोक्सीच्या ग्रुपशी संबंधित ८६.७२ कोटींचे शेअर्स आणि म्युच्युअल फंड्सही गोठवले आहेत.