वाराणसी:
पंतप्रधान नरेंद्र मोदी यांच्या विरोधात वाराणसीतून निवडणुकीच्या मैदानात उतरलेला सीमा सुरक्षा दलाचा (बीएसएफ) बडतर्फ जवान तेज बहादूर यादव याचा उमेदवारी अर्ज बाद ठरवण्यात आला आहे. अर्जातील संदिग्ध माहितीबद्दल मुदतीच्या आत खुलासा न केल्याचं कारण देत निवडणूक अधिकाऱ्यांनी हे पाऊल उचललं आहे.
बीएसएफ जवानांना मिळणाऱ्या निकृष्ट जेवणाचा व्हिडिओ काढून तो व्हायरल केल्याच्या प्रकरणात तेज बहादूर याला बडतर्फ करण्यात आलं होतं. यादव याच्यावरील कारवाईवरून वादही निर्माण झाला होता. बडतर्फ केल्याचा राग मनात ठेवून यादव यांनी मोदींविरोधात अपक्ष उमेदवारी अर्ज दाखल केला होता. मात्र, नंतर समाजवादी पक्षानं त्याला वाराणसीतून तिकीट दिलं. त्यामुळं त्यानं समाजवादी पक्षाकडून नव्यानं अर्ज दाखल केला. दोन्ही अर्जांमध्ये त्यानं बीएसएफमधून बडतर्फीच्या कारणांची माहिती दिली होती. मात्र, दोन अर्जांतील माहितीमध्ये निवडणूक अधिकाऱ्यांना तफावत आढळून आली.
या संदर्भात निवडणूक अधिकाऱ्यांनी त्याला नोटीस बजावली होती. बडतर्फीच्या कारणांचा बीएसएफच्या ना-हरकत प्रमाणपत्रासह २४ तासांत खुलासा करा, असं तेज बहादूरला सांगण्यात आलं होतं. मात्र, वेळेत उत्तर न दिल्यानं त्याचा अर्ज बाद ठरवण्यात आला.
सर्वोच्च न्यायालयात जाणार
उमेदवारी अर्ज बाद करण्याच्या निवडणूक अधिकाऱ्यांच्या निर्णयावर तेज बहादूरनं तीव्र नाराजी दर्शवली आहे. 'मंगळवारी संध्याकाळपर्यंत खुलासा करण्याची मुदत मला देण्यात आली होती. मी तो केलाही. त्यानंतरही माझा अर्ज बाद करण्यात आला. चुकीच्या पद्धतीनं ही कारवाई करण्यात आली आहे. या निर्णयाला सर्वोच्च न्यायालयात आव्हान देणार असल्याचं तेज बहादूरनं म्हटलं आहे.
पंतप्रधान नरेंद्र मोदी यांच्या विरोधात वाराणसीतून निवडणुकीच्या मैदानात उतरलेला सीमा सुरक्षा दलाचा (बीएसएफ) बडतर्फ जवान तेज बहादूर यादव याचा उमेदवारी अर्ज बाद ठरवण्यात आला आहे. अर्जातील संदिग्ध माहितीबद्दल मुदतीच्या आत खुलासा न केल्याचं कारण देत निवडणूक अधिकाऱ्यांनी हे पाऊल उचललं आहे.
बीएसएफ जवानांना मिळणाऱ्या निकृष्ट जेवणाचा व्हिडिओ काढून तो व्हायरल केल्याच्या प्रकरणात तेज बहादूर याला बडतर्फ करण्यात आलं होतं. यादव याच्यावरील कारवाईवरून वादही निर्माण झाला होता. बडतर्फ केल्याचा राग मनात ठेवून यादव यांनी मोदींविरोधात अपक्ष उमेदवारी अर्ज दाखल केला होता. मात्र, नंतर समाजवादी पक्षानं त्याला वाराणसीतून तिकीट दिलं. त्यामुळं त्यानं समाजवादी पक्षाकडून नव्यानं अर्ज दाखल केला. दोन्ही अर्जांमध्ये त्यानं बीएसएफमधून बडतर्फीच्या कारणांची माहिती दिली होती. मात्र, दोन अर्जांतील माहितीमध्ये निवडणूक अधिकाऱ्यांना तफावत आढळून आली.
या संदर्भात निवडणूक अधिकाऱ्यांनी त्याला नोटीस बजावली होती. बडतर्फीच्या कारणांचा बीएसएफच्या ना-हरकत प्रमाणपत्रासह २४ तासांत खुलासा करा, असं तेज बहादूरला सांगण्यात आलं होतं. मात्र, वेळेत उत्तर न दिल्यानं त्याचा अर्ज बाद ठरवण्यात आला.
सर्वोच्च न्यायालयात जाणार
उमेदवारी अर्ज बाद करण्याच्या निवडणूक अधिकाऱ्यांच्या निर्णयावर तेज बहादूरनं तीव्र नाराजी दर्शवली आहे. 'मंगळवारी संध्याकाळपर्यंत खुलासा करण्याची मुदत मला देण्यात आली होती. मी तो केलाही. त्यानंतरही माझा अर्ज बाद करण्यात आला. चुकीच्या पद्धतीनं ही कारवाई करण्यात आली आहे. या निर्णयाला सर्वोच्च न्यायालयात आव्हान देणार असल्याचं तेज बहादूरनं म्हटलं आहे.