नवी दिल्ली:
अभियांत्रिकी पदवीधर हे एमबीएपेक्षा अधिक रोजगारक्षम असल्याचं निरीक्षण एका सर्वेक्षणात व्यक्त करण्यात आलं आहे. सर्वाधिक रोजगारक्षम राज्यांच्या यादीत आंध्र प्रदेश अव्वल असून, दुसऱ्या आणि तिसऱ्या स्थानी अनुक्रमे पश्चिम बंगाल आणि दिल्लीचा क्रमांक लागतो.
या राष्ट्रीय स्तरावरील सर्वेक्षणात २९ राज्ये आणि ७ केंद्रशासित प्रदेशातील जवळपास तीन लाखांहून अधिक विद्यार्थ्यांना सहभागी करून घेतलं होतं. १५ जुलै ते ३० ऑक्टोबर या कालावधीत केलेल्या सर्वेक्षणात काम, रोजगार क्षमता आणि कुशलता आदी चाचण्या घेण्यात आल्या. त्यात इंग्रजी, वैचारिक कौशल्य आणि सांख्यिकी तर्कशास्त्र, डोमेन नॉलेज, वर्तणूक कौशल्य आदींचा समावेश करण्यात आला होता. 'गेल्या वर्षभरात एमबीए अभ्यासक्रमांमधील रोजगार क्षमतेत तीन टक्क्यांनी घट झाली आहे,' असं पिपल स्ट्राँग, व्हीबॉक्स आणि सीआयआय यांनी अखिल भारतीय तंत्र शिक्षण परिषद, यूएनडीपी आणि विद्यापीठ संघटनांच्या सहकार्यानं केलेल्या 'इंडिया स्किल रिपोर्ट २०१९' या सर्व्हेमध्ये नमूद करण्यात आलं आहे.
यावर्षी राजस्थान आणि हरयाणा या दोन राज्यांनी रोजगार क्षमतेत अव्वल दहामध्ये स्थान मिळवलं आहे. गुजरात, पंजाब आणि मध्य प्रदेश या बाबतीत अव्वल दहांच्या यादीतून बाहेर पडलं आहे. शहरांच्या बाबतीत विचार केला तर, बेंगळुरू अव्वल स्थानी आहे. तर त्यानंतर चेन्नई, गुंटुर, लखनऊ, मुंबई, नवी दिल्ली, नाशिक, पुणे आणि विशाखापट्टणम यांचा क्रमांक लागतो. दरम्यान, महिलांच्या रोजगार क्षमतेत यंदा गेल्या वर्षीच्या तुलनेत वाढ झाल्याचं या अहवालातून समोर आलं आहे.
अभियांत्रिकी पदवीधर हे एमबीएपेक्षा अधिक रोजगारक्षम असल्याचं निरीक्षण एका सर्वेक्षणात व्यक्त करण्यात आलं आहे. सर्वाधिक रोजगारक्षम राज्यांच्या यादीत आंध्र प्रदेश अव्वल असून, दुसऱ्या आणि तिसऱ्या स्थानी अनुक्रमे पश्चिम बंगाल आणि दिल्लीचा क्रमांक लागतो.
या राष्ट्रीय स्तरावरील सर्वेक्षणात २९ राज्ये आणि ७ केंद्रशासित प्रदेशातील जवळपास तीन लाखांहून अधिक विद्यार्थ्यांना सहभागी करून घेतलं होतं. १५ जुलै ते ३० ऑक्टोबर या कालावधीत केलेल्या सर्वेक्षणात काम, रोजगार क्षमता आणि कुशलता आदी चाचण्या घेण्यात आल्या. त्यात इंग्रजी, वैचारिक कौशल्य आणि सांख्यिकी तर्कशास्त्र, डोमेन नॉलेज, वर्तणूक कौशल्य आदींचा समावेश करण्यात आला होता. 'गेल्या वर्षभरात एमबीए अभ्यासक्रमांमधील रोजगार क्षमतेत तीन टक्क्यांनी घट झाली आहे,' असं पिपल स्ट्राँग, व्हीबॉक्स आणि सीआयआय यांनी अखिल भारतीय तंत्र शिक्षण परिषद, यूएनडीपी आणि विद्यापीठ संघटनांच्या सहकार्यानं केलेल्या 'इंडिया स्किल रिपोर्ट २०१९' या सर्व्हेमध्ये नमूद करण्यात आलं आहे.
यावर्षी राजस्थान आणि हरयाणा या दोन राज्यांनी रोजगार क्षमतेत अव्वल दहामध्ये स्थान मिळवलं आहे. गुजरात, पंजाब आणि मध्य प्रदेश या बाबतीत अव्वल दहांच्या यादीतून बाहेर पडलं आहे. शहरांच्या बाबतीत विचार केला तर, बेंगळुरू अव्वल स्थानी आहे. तर त्यानंतर चेन्नई, गुंटुर, लखनऊ, मुंबई, नवी दिल्ली, नाशिक, पुणे आणि विशाखापट्टणम यांचा क्रमांक लागतो. दरम्यान, महिलांच्या रोजगार क्षमतेत यंदा गेल्या वर्षीच्या तुलनेत वाढ झाल्याचं या अहवालातून समोर आलं आहे.