प्रेयसी कॉल घेईना, फोन सतत बिझी! संतप्त प्रियकर विमानानं भेटीसाठी गेला अन् तब्बल ५१ वेळा...

कोरबा: छत्तीसगडच्या कोरबा जिल्ह्यात लव्ह ट्रॅंगलमधून भयंकर घटना घडली आहे. कोरबाच्या पंप हाऊस कॉलनीत शनिवारी एका तरुणीची स्क्रू ड्रायव्हरनं भोसकून हत्या करण्यात आली. आता या प्रकरणात महत्त्वाची माहिती उघडकीस आली आहे. तरुणीच्या गळ्यावर, छातीवर आणि शरीराच्या अन्य भागांवर स्क्रू ड्रायव्हरनं ५१ वार करण्यात आले. तरुणीचा प्रियकर शाहबाद खाननं तिची हत्या केली. पोलिसांकडून आरोपीचा शोध सुरू आहे.

पोलिसांनी दिलेल्या माहितीनुसार, नील कुसूमची हत्या करण्यासाठी शाहबाद विमानानं गुजरातवरून कोरबा येथे आला. तरुणीचे अन्य व्यक्तीशी प्रेमसंबंध असल्याचा संशय खानला होता. त्यामुळे त्यानं कुसूमची हत्या केली. शाहबादच्या शोधासाठी पोलिसांनी ४ पथकं तयार केली आहेत. नील कुसूमचं शिक्षण करतलामधील मदनपूर शाळेत झालं. ती बसनं शाळेत जायची. याच बसमध्ये शाहबाद कंडक्टर होता. दोघांमधील संवाद वाढला. पुढे मैत्रीचं रुपांतर प्रेमात झालं.
मी बॉयफ्रेंडला भेटायला जातेय! पतीला सांगून प्रियकराच्या भेटीसाठी गेली, हॉटेलात आक्रित घडलं
शालेय शिक्षण झाल्यानंतर कुसूमनं पुढील अभ्यासाची तयारी घरीच राहून सुरू केली. यावेळी तिचा महाविद्यालयीन प्रवेश होऊ शकला नाही. त्यामुळे पुढील प्रवेश ती प्रवेश घेणार होती. यादरम्यान कुसूमनं शाहबादसोबतचा संवाद हळूहळू कमी केला. शाहबाद सध्या गुजरातच्या अहमदाबादमधील एका कंपनीत काम करतो. शाहबाद कुसूमला अनेकदा फोन करायचा. मात्र तिचा फोन बिझी असायचा. त्यामुळे शाहबादला संशय आला. पत्थलगावातील आशीष केरकेट्टाशी कुसूमचे संबंध असल्याचा संशय शाहबादला होता. त्यावरून त्यानं कुसूमला जीवे मारण्याची धमकीदेखील दिली होती. आशिष कुसूमचा नातेवाईक होता. त्याचं कुसूमच्या घरी येणं जाणं होतं.

शाहबादनं कुसूमला ठार करण्यासाठी कट रचला. त्यासाठी त्यानं गुजरातहून विमानानं कोरबा गाठलं. कोरबा येथे पोहोचल्यानंतर त्यानं कुसूमशी संपर्क साधला. २४ डिसेंबरला कुसूमनं त्याला घरी बोलावलं. शाहबादनं कुसूमशी शरीरसंबंध ठेवले. त्यानंतर स्क्रू ड्रायव्हरनं तिच्यावर ५१ वार केले. कुसूमनं आरडाओरडा करू नये म्हणून त्यानं तिच्या तोंडावर उशी ठेवली. हत्येनंतर आरोपीनं स्वत:चा फोन स्विच्ड ऑफ केला आणि तिथून पळ काढला.
VIDEO: संतापजनक! मालकिणीची लिफ्टमध्ये मोलकरणीला मारहाण; मानगुटीला धरले, खेचत नेले
आरोपीला लवकरच अटक करण्यात येईल, असं पोलीस अधिकारी रुपक शर्मांनी सांगितलं. घटनास्थळी मिळालेले पुरावे, मोबाईल, व्हॉट्स ऍप कॉल्सचा तपशील यांच्यावरून हा प्रकार लव्ह ट्रँगलमधून घडला असावा. घटना घडण्याच्या २ दिवसांपूर्वी आरोपी गुजरातहून रायपूरला विमानानं आणला होता. त्यानंतर त्यानं बसनं कोरबा गाठलं. मग तो शहरातील एका हॉटेलात थांबला. तिथून तो व्हॉट्स ऍप कॉलच्या माध्यमातून तरुणीच्या संपर्कात होता, अशी माहिती शर्मांनी दिली.