कामधेनू आयोगाची स्थापना

नवी दिल्ली : गायींचे संरक्षण आणि संवर्धन करण्याबरोबरच छोट्या शेतकऱ्यांचे उत्पन्न वाढावे, यासाठी धोरण आखण्याकरिता केंद्रीय मंत्रिमंडळाने बुधवारी 'राष्ट्रीय कामधेनू आयोगा'ची स्थापना केली. या संदर्भात हंगामी अर्थसंकल्पात तरतूद करण्यात आली होती. केंद्रीय कायदामंत्री रविशंकर प्रसाद यांनी ही माहिती दिली. पंतप्रधानांच्या अध्यक्षतेखाली झालेल्या आर्थिक व्यवहारासाठीच्या बैठकीमध्ये ही मंजुरी देण्यात आली. आयोगाच्या स्थापनेबरोबरच दोन हजार कोटी रुपयांच्या कृषी बाजारासाठी 'इन्फ्रास्ट्रक्चर फंडा'ची स्थापनाही करण्यात आली. 'नाबार्ड'बरोबर हा निधी उभारला जाईल. प्रसारभारतीसाठी १०५४ कोटी रुपयांच्या योजनेला मंजुरी दिली. प्रसारणासाठी पायाभूत सुविधा आणि नेटवर्क विकासासाठी हा निधी असेल.