भाजपचा 'हा' नेता ठरला लशीचा डोस घेणारा पहिला लोकप्रतिनिधी

नवी दिल्ली : राजकीय नेते आणि वैद्यकीय क्षेत्रातील व्यवसायिक असलेले माजी मंत्री महेश शर्मा कोविड लस घेणारे देशातील पहिले लोकप्रतिनिधी ठरलेत.

भाजपचे नेते आणि गौतम बुद्ध नगर लोकसभा मतदार संघाचे खासदार तसंच माजी मंत्री म्हणून महेश शर्मा यांची ओळख आहे. शनिवारी पंतप्रधान नरेंद्र मोदी यांनी देशभरात लसीकरण मोहिमेला हिरवा कंदील दाखवल्यानंतर महेश शर्मा स्वत: लस घेत या मोहिमेत सामील झाले आहेत.

'कोव्हॅक्सिन' लस घेण्यास RML डॉक्टरांचा नकार, 'कोव्हिशिल्ड'ची मागणी
'मेडिकल प्रॅक्टिशनर' अर्थात वैद्यकीय व्यावसायिक म्हणून महेश शर्मा हे स्वत: कोविड लशीचे लाभार्थी झालेत. नोएडाच्या कैलाश रुग्णालयात त्यांनी शनिवारी लस घेतली. उल्लेखनीय म्हणजे, शर्मा हे 'कैलाश रुग्णालया'चे मालकदेखील आहेत.

कैलाश रुग्णालयात आरोग्य कर्मचाऱ्यांसाठी राबवण्यात आलेल्या लसीकरण मोहिमेतही महेश शर्मा हे पहिले व्यक्ती ठरले, ज्यांना लशीचा डोस दिला गेला.

लसीकरण मोहिमेला प्रारंभ; करोना योद्ध्यांविषयी कृतज्ञता व्यक्त करताना पंतप्रधान मोदी गहिवरले
'मी खासदार म्हणून किंवा लोकप्रतिनिधी म्हणून लस घेतलेली नाही तर मी एक डॉक्टर म्हणून लस घेतलीय' असं स्पष्टीकरण महेश शर्मा यांनी यावेळी दिलं.

'सरकारकडून आलेल्या यादीत माझा क्रमांक पहिला होता. या व्यवसायात मी गेल्या ३५ वर्षांपासून कार्यरत आहे तसंच या लशी बनवणाऱ्या आपल्या वैज्ञानिकांच्या कार्याचं स्वागत आपण करायला हवं' असंही शर्मा यांनी म्हटलंय.

Corona Vaccination : कोव्हिड १९ लस घेतल्यानंतर ताप, डोकेदुखी जाणवली तर घाबरू नका...
गेल्या ३५२ दिवसांपासून करोनाशी लढा देणाऱ्या आपल्या करोना योद्ध्यांना तसंच पंतप्रधान नरेंद्र मोदी यांच्या नेतृत्वाला आपण सलाम करायला हवं, अशी पुश्तीही शर्मा यांनी जोडली.

कैलाश हॉस्पीटलमध्ये करोना लसीकरण मोहिमेच्या पहिल्याच दिवशी एका सत्रात १०० जणांना लस दिली जातेय.