सीएम अखिलेश यादव यांची पक्षातून हकालपट्टी

मटा ऑनलाइन वृत्त । लखनऊ

उमेदवारांच्या निवडीवरुन सुरू असलेली समाजवादी पार्टीतील यादवी आज उफाळून आली. समाजवादी पार्टीचे राष्ट्रीय अध्यक्ष मुलायमसिंग यादव यांनी मुख्यमंत्री अखिलेश यादव आणि रामगोपाल यादव यांची पक्षातून हकालपट्टी केली आहे.

पक्षाला वाचविण्यासाठी मुख्यमंत्री अखिलेश यादव आणि रामगोपाल यादव या दोघांची सहा वर्षासाठी पक्षातून हकालपट्टी करण्यात येत असल्याची माहिती मुलायमसिंग यादव यांनी एका पत्रकार परिषदेत दिली. मुलायम सिंग यादव यांनी पक्षातून निलंबित केल्यामुळे अखिलेश यादव यांनी मुख्यमंत्रीपदाचा राजीनामा द्यावा, अशी मागणी होत आहे. मुलायमसिंग यादव यांनी पत्रकार परिषद घेऊन या दोघांवर पक्षविरोधी कारवाया केल्याप्रकरणी कारवाई केली. रामगोपाल यादव यांनी अखिलेश यादव यांना गटबाजी करुन फसवले अशी टीका मुलायम यांनी केली.

रामगोपाल यादवने संकटकालीन राष्ट्रीय प्रतिनिधी सम्मेलन आयोजित केले. यासाठी कमीत कमी १० ते १५ दिवसांची नोटीस प्रसिद्ध केली जाते. रामगोपाल यादव हे अखिलेशला कमजोर करण्याचा प्रयत्न करतात हे अखिलेशला समजले नाही, असेही मुलायमने म्हटलं आहे. दरम्यान, पक्षातून निलंबित करण्यात आल्यानंतर मुख्यमंत्री अखिलेश यादव यांना बहुमत सिद्ध करावे लागेल किंवा मुख्यमंत्रीपदाचा राजीनामा द्यावा लागणार आहे.

Lucknow: UP CM Akhilesh Yadav expelled for six years from Samajwadi Party; Supporters gather outside his residence. pic.twitter.com/s0TbWY1ObW — ANI UP (@ANINewsUP) December 30, 2016