कानपूर: कानपूर पोलीस हत्याकांडातील मुख्य आरोपी गँगस्टर विकास दुबे हा पोलीस चकमकीत मारला गेला आहे. एखाद्या चित्रपटात शोभेल असा त्याचा एन्काऊंटर झाला आहे. कानपूरमधील घटनेनंतर फरार असलेल्या विकास दुबेला काल रात्री उज्जैन येथे अटक करण्यात आली होती. (Gangster Vikas Dubey killed in Encounter)
गँगस्टर विकास दुबे पोलीस एन्काऊन्टरमध्ये ठार
पोलिसांनी दिलेल्या माहितीनुसार, अटक केल्यानंतर विकास दुबेला एसटीएफच्या गाडीतून कानपूरला आणले जात होते. पावसामुळं रस्ता काहीसा निसरडा झाला होता. बर्रा येथे असताना भरधाव वेगात असलेली पोलिसांची कार अचानक उलटली. या अपघातात दुबेसह काही पोलीस जखमी झाले. जखमी अवस्थेतही दुबे पळण्याची संधी शोधत होता. ही संधी मिळताच त्यानं एका पोलीस अधिकाऱ्याचं पिस्तूल हिसकावून पळण्याचा प्रयत्न केला. पोलिसांनी त्याला इशारा देत शरण येण्याचं आवाहन केलं. मात्र, तो ऐकण्याच्या मनस्थितीत नव्हता. त्यामुळं पोलिसांकडून गोळीबार करण्यात आला. त्यात दुबे जागीच ठार झाला.
विकास दुबेच्या अटकेचा क्षणही तितकाच थरारक होता. दुबेला उज्जैनच्या महाकाल मंदिरातून अटक करण्यात आली होती. रीतसर २५० रुपयांची पावती फाडून दर्शनासाठी तो मंदिरात पोहोचला होता. एका सुरक्षा रक्षकाला संशय आल्यानंतर त्यानं पोलिसांना ही माहिती दिली. पोलिसांनी लगेचच दुबेला गाठून त्याची उलटसुलट चौकशी सुरू केली. त्यामुळं तो गोंधळला आणि सगळी पोलखोल झाली. मात्र, अटकेआधी दुबे बिनधास्त वावरत होता. मंदिराच्या आवारात फोटोसेशन करत होता. अटक झाल्यानंतरही त्याच्या चेहऱ्यावर पश्चात्तापाचा लवलेश दिसत नव्हता. गर्दीला पाहून 'मै विकास दुबे हू, कानपूरवाला' असं तो ओरडत होता.
वाचा : विकास दुबेला अटक झाली की, तो शरण आला?: अखिलेश यादवांचा सवाल
वाचा :विकास दुबे अटक प्रकरणी प्रियांका गांधींनी केला 'हा' आरोप
विकास दुबेला कशी झाली अटक? संपूर्ण घटनाक्रम वाचा
गँगस्टर विकास दुबे पोलीस एन्काऊन्टरमध्ये ठार
पोलिसांनी दिलेल्या माहितीनुसार, अटक केल्यानंतर विकास दुबेला एसटीएफच्या गाडीतून कानपूरला आणले जात होते. पावसामुळं रस्ता काहीसा निसरडा झाला होता. बर्रा येथे असताना भरधाव वेगात असलेली पोलिसांची कार अचानक उलटली. या अपघातात दुबेसह काही पोलीस जखमी झाले. जखमी अवस्थेतही दुबे पळण्याची संधी शोधत होता. ही संधी मिळताच त्यानं एका पोलीस अधिकाऱ्याचं पिस्तूल हिसकावून पळण्याचा प्रयत्न केला. पोलिसांनी त्याला इशारा देत शरण येण्याचं आवाहन केलं. मात्र, तो ऐकण्याच्या मनस्थितीत नव्हता. त्यामुळं पोलिसांकडून गोळीबार करण्यात आला. त्यात दुबे जागीच ठार झाला.
विकास दुबेच्या अटकेचा क्षणही तितकाच थरारक होता. दुबेला उज्जैनच्या महाकाल मंदिरातून अटक करण्यात आली होती. रीतसर २५० रुपयांची पावती फाडून दर्शनासाठी तो मंदिरात पोहोचला होता. एका सुरक्षा रक्षकाला संशय आल्यानंतर त्यानं पोलिसांना ही माहिती दिली. पोलिसांनी लगेचच दुबेला गाठून त्याची उलटसुलट चौकशी सुरू केली. त्यामुळं तो गोंधळला आणि सगळी पोलखोल झाली. मात्र, अटकेआधी दुबे बिनधास्त वावरत होता. मंदिराच्या आवारात फोटोसेशन करत होता. अटक झाल्यानंतरही त्याच्या चेहऱ्यावर पश्चात्तापाचा लवलेश दिसत नव्हता. गर्दीला पाहून 'मै विकास दुबे हू, कानपूरवाला' असं तो ओरडत होता.
वाचा : विकास दुबेला अटक झाली की, तो शरण आला?: अखिलेश यादवांचा सवाल
वाचा :विकास दुबे अटक प्रकरणी प्रियांका गांधींनी केला 'हा' आरोप
विकास दुबेला कशी झाली अटक? संपूर्ण घटनाक्रम वाचा