नवी दिल्ली: सीमेवर चीनशी सुरू असलेल्या तणावादरम्यान भारताला नौदल क्षेत्रातील 'नवीन सहकारी' सापडला आहे. नौदलाच्या आगामी मलबार युद्ध सरावात अमेरिका आणि जपान यांच्याबरोबर आुता ऑस्ट्रेलियाही सहभागी होईल. पुढच्या महिन्यात नोव्हेंबरमध्ये अरबी समुद्र आणि बंगालच्या उपसागरात हा मलबार संयुक्त युद्ध सराव होणार असल्याचं भारताने सांगितलं आहे. भारत आणि अमेरिकेच्या नौदलाकडून सुरवातीला हा युद्ध सराव केला जात होता. यानंतर २०१५ मध्ये जपानचाही त्यात सामवेश झाला. यानंतर आता ऑस्ट्रेलिया या युद्ध सरावात सहभागी होत आहे.
भारत आणि अमेरिकेच्या द्विपक्षीय नौदल सहकार्यातून १९९२ मध्ये मलबार युद्ध सराव सुरू झाला होता. २०१८ मध्ये हा वार्षिक युद्ध सराव फिलीपिन्सच्या गुआम किनाऱ्यावर आणि २०१९ मध्ये जपानच्या किनारपट्टीवर झाला होता. यावर्षी हा सराव बंगालचे उपसागर आणि अरबी समुद्रात आयोजित होण्याची शक्यता आहे.
नौदलाची शक्ती वाढली, लांब असलेल्या शत्रूलाही 'ब्राह्मोस' टीपणार
या महिन्याच्या सुरवातीला चार देशांतील परराष्ट्र मंत्र्यांच्या चर्चेदरम्यान मलबार नौदल युद्ध सरावात ऑस्ट्रेलियाचा समावेश करण्याचा मुद्दा उपस्थित झाला होता. ऑस्ट्रेलियाचा समावेश करण्याच्या बाजूने जपान आणि अमेरिकेने आपले मत व्यक्त केले होते. त्यावर ऑस्ट्रेलियाचा समावेश करण्यास तयार असल्याचं भारतानं म्हटलं आहे. यासंदर्भात भारताकडून एक निवेदन जारी करण्यात आलं आहे. 'सागरी सुरक्षेच्या बाबतीत भारत इतर देशांशी सहकार्य वाढवण्यास उत्सुक आहे. ऑस्ट्रेलियाचे नौदल देखील मलबार २०२० या युद्ध सरावात भाग घेईल', असं भारताने या निवेदनात म्हटलं आहे.
आसाम-मिझोरामच्या सीमेवर हिंसाचार, केंद्रानं बोलावली बैठक
फक्त जपान, तैवानच नव्हे तर चीनचे ऑस्ट्रेलियाशीही संबंध तणावाचे बनले आहेत. चीनने गेल्या महिन्यात ऑस्ट्रेलियावर सायबर हल्ला केल्याचाही आरोप आहे. तसंच ऑस्ट्रेलियाचा मलाबार युद्ध सरावात समावेश करू नये, असं म्हणत चीनने यापूर्वी भारताकडे आक्षेप नोंदवला होता. पण भारताने चीन हा आक्षेप फेटाळून लावत ऑस्ट्रेलियासोबत नौदल युद्ध सराव करण्याचा निर्णय घेतला आहे. यामुळे चीनला झटका बसला आहे.
भारत आणि अमेरिकेच्या द्विपक्षीय नौदल सहकार्यातून १९९२ मध्ये मलबार युद्ध सराव सुरू झाला होता. २०१८ मध्ये हा वार्षिक युद्ध सराव फिलीपिन्सच्या गुआम किनाऱ्यावर आणि २०१९ मध्ये जपानच्या किनारपट्टीवर झाला होता. यावर्षी हा सराव बंगालचे उपसागर आणि अरबी समुद्रात आयोजित होण्याची शक्यता आहे.
नौदलाची शक्ती वाढली, लांब असलेल्या शत्रूलाही 'ब्राह्मोस' टीपणार
या महिन्याच्या सुरवातीला चार देशांतील परराष्ट्र मंत्र्यांच्या चर्चेदरम्यान मलबार नौदल युद्ध सरावात ऑस्ट्रेलियाचा समावेश करण्याचा मुद्दा उपस्थित झाला होता. ऑस्ट्रेलियाचा समावेश करण्याच्या बाजूने जपान आणि अमेरिकेने आपले मत व्यक्त केले होते. त्यावर ऑस्ट्रेलियाचा समावेश करण्यास तयार असल्याचं भारतानं म्हटलं आहे. यासंदर्भात भारताकडून एक निवेदन जारी करण्यात आलं आहे. 'सागरी सुरक्षेच्या बाबतीत भारत इतर देशांशी सहकार्य वाढवण्यास उत्सुक आहे. ऑस्ट्रेलियाचे नौदल देखील मलबार २०२० या युद्ध सरावात भाग घेईल', असं भारताने या निवेदनात म्हटलं आहे.
आसाम-मिझोरामच्या सीमेवर हिंसाचार, केंद्रानं बोलावली बैठक
फक्त जपान, तैवानच नव्हे तर चीनचे ऑस्ट्रेलियाशीही संबंध तणावाचे बनले आहेत. चीनने गेल्या महिन्यात ऑस्ट्रेलियावर सायबर हल्ला केल्याचाही आरोप आहे. तसंच ऑस्ट्रेलियाचा मलाबार युद्ध सरावात समावेश करू नये, असं म्हणत चीनने यापूर्वी भारताकडे आक्षेप नोंदवला होता. पण भारताने चीन हा आक्षेप फेटाळून लावत ऑस्ट्रेलियासोबत नौदल युद्ध सराव करण्याचा निर्णय घेतला आहे. यामुळे चीनला झटका बसला आहे.