चेन्नई: पोलीस दलात एन्काकाउंटर स्पेशॅलिस्ट असल्याची बतावणी करून ७ महिलांशी विवाह करणारा, तसेच इतर ६ महिलांचा लैंगिक छळ करणाऱ्या एका तोतया पोलिसाला चेन्नई पोलिसांनी गजाआड केले. राजेश पृथ्वी असे या तोतया पोलिसाचे नाव असून तो तिरुपूरचा रहिवासी आहे. महिलांचे लैंगिक शोषण, फसवणूक करणे आणि अनेक लग्न केल्याप्रकरणी पृथ्वीवर त्रिची, कोईम्बतूर, त्रिपूर, तिरुपती आणि कलाहस्ती येथे गुन्हे दाखल करण्यात आले होते.
राजेश पृथ्वीने सन २०१७ मध्ये चेन्नईतील नेल्सन मणिक्कम रोडवर टेलिमार्केटिंग कंपनी सुरू केली होती. याच कंपनीच्या माध्यमातून तो महिलांना जाळ्यात ओढत असे. राजेश महिलांना पोलिसाच्या गणवेशातील फोटो दाखवत आपण एन्काउंटर स्पेशॅलिस्ट होतो, मात्र आता आपण नोकरी सोडल्याची बतावणी करत असे. मात्र, ३० जून या दिवशी एका हरवलेल्या १८ वर्षीय तरुणीच्या पालकांनी राजेशविरुद्ध पोलिसात तक्रार दाखल केल्यानंतर हा प्रकार उघडकीस आला. राजेशने या तरुणीचे अपहरण केल्याचे पोलीस तपासात उघड झाले. मुलीचा शोध घेतल्यानंतर तिने आपण राजेशची लग्न केल्याचे सांगितले.
मुलांना वैद्यकीय प्रवेश मिळवून देण्याचे आमिष दाखवत राजेशने अनेक पालकांकडून ३० लाख रुपये गोळा केले होते. त्याने आपल्या टेलिमार्केटिंग कंपनीत २२ महिलांना नोकरीवर ठेवले होते. यात पीडित तरुणीचाही समावेश होता. या तरुणींपैकी सहा तरुणींचे राजेशने लैंगिक शोषण केले. तर इतर सात जणींसोबत त्याने लग्नही केले होते, अशी माहिती पोलिसांनी दिली. राजेश अशा प्रकारे मिळवलेले पैसे महिलांवर उडवत असे. राजेशच्या घरी घरकाम करणाऱ्या एका महिलेवरही त्याने लैंगिक अत्याचार केल्याचे पोलिसांनी सांगितले.
राजेश पृथ्वीने बनावट आधार कार्ड, पॅन कार्ड, मतदान ओळखपत्र आणि ड्रायव्हिंग लायसन्स बनवून घेतले होते. राजेशचे खरे नाव दिनेश असल्याचे पोलिसांनी सांगितले. राजेशने अनेक नावांचा वापर केल्याचेही पोलिसांनी सांगितले. तो कधी श्रीराम गुरू दीना, दयालन, दीना दयालन आणि राजेश पेरुमल अशा नावांनी महिलांशी संपर्क साधायचा.
येत्या काही काळात राजेशविरुद्ध आणखी महिलांच्या तक्रारी येऊ शकतात असेही पोलिसांनी सांगितले.
राजेश पृथ्वीने सन २०१७ मध्ये चेन्नईतील नेल्सन मणिक्कम रोडवर टेलिमार्केटिंग कंपनी सुरू केली होती. याच कंपनीच्या माध्यमातून तो महिलांना जाळ्यात ओढत असे. राजेश महिलांना पोलिसाच्या गणवेशातील फोटो दाखवत आपण एन्काउंटर स्पेशॅलिस्ट होतो, मात्र आता आपण नोकरी सोडल्याची बतावणी करत असे. मात्र, ३० जून या दिवशी एका हरवलेल्या १८ वर्षीय तरुणीच्या पालकांनी राजेशविरुद्ध पोलिसात तक्रार दाखल केल्यानंतर हा प्रकार उघडकीस आला. राजेशने या तरुणीचे अपहरण केल्याचे पोलीस तपासात उघड झाले. मुलीचा शोध घेतल्यानंतर तिने आपण राजेशची लग्न केल्याचे सांगितले.
मुलांना वैद्यकीय प्रवेश मिळवून देण्याचे आमिष दाखवत राजेशने अनेक पालकांकडून ३० लाख रुपये गोळा केले होते. त्याने आपल्या टेलिमार्केटिंग कंपनीत २२ महिलांना नोकरीवर ठेवले होते. यात पीडित तरुणीचाही समावेश होता. या तरुणींपैकी सहा तरुणींचे राजेशने लैंगिक शोषण केले. तर इतर सात जणींसोबत त्याने लग्नही केले होते, अशी माहिती पोलिसांनी दिली. राजेश अशा प्रकारे मिळवलेले पैसे महिलांवर उडवत असे. राजेशच्या घरी घरकाम करणाऱ्या एका महिलेवरही त्याने लैंगिक अत्याचार केल्याचे पोलिसांनी सांगितले.
राजेश पृथ्वीने बनावट आधार कार्ड, पॅन कार्ड, मतदान ओळखपत्र आणि ड्रायव्हिंग लायसन्स बनवून घेतले होते. राजेशचे खरे नाव दिनेश असल्याचे पोलिसांनी सांगितले. राजेशने अनेक नावांचा वापर केल्याचेही पोलिसांनी सांगितले. तो कधी श्रीराम गुरू दीना, दयालन, दीना दयालन आणि राजेश पेरुमल अशा नावांनी महिलांशी संपर्क साधायचा.
येत्या काही काळात राजेशविरुद्ध आणखी महिलांच्या तक्रारी येऊ शकतात असेही पोलिसांनी सांगितले.