अकाली दलाच्या एका बॉम्बने PM मोदी हादरले, सुखबीरसिंग बादल यांचा हल्लाबोल

चंदीगडः कृषी विधेयकांवरून विधेयकावर राजकीय रणकंदन सुरू आहे. ही विधेयकं शेतकरीविरोधी असल्याचं सांगत शिरोमणी अकाली दलाच्या खासदार हरसिमरत कौर यांनी केंद्रीय मंत्रिपदाचा राजीनामा दिला. आता शिरोमणी अकाली दलाचे नेते सुखबीरसिंग बादल यांनीही पंजाबच्या मुक्तसरमध्ये केंद्रातील मोदी सरकार हल्लाबोल केला आहे.

दुसर्‍या महायुद्धात अमेरिकेने अणुबॉम्ब हल्ला करून जपानला हादरवले होते. आता अकाली दलाच्या बॉम्बने ( हरसिमरत कौर बादल यांचा राजीनामा) पंतप्रधान नरेंद्र मोदी हादरले आहेत. गेल्या दोन महिन्यांत कृषी विधेयकांवर एकाही केंद्रीय मंत्र्याने चकार शब्दही काढला नाही. आता त्यावर पाच-पाच मंत्री स्पष्टीकरण देत आहेत, असा आरोप बादल यांनी केला.

पंजाबच्या मुख्यमंत्र्यांनी तातडीने कॅबिनेटची बैठक बोलावून अध्यादेश काढावा. केंद्राच्या कृषी विधेयकांची अंमलबजावणी होऊ नये याची खबरदारी घेऊ राज्य एक बाजार समिती (मंडी ) म्हणून घोषित करावं, अशी मागणी सुखरबीर सिंग बादल यांनी केली.

मृतदेहातूनही होतो का करोनाचा संसर्ग? भोपाळच्या AIIMS मध्ये होतंय संशोधन

व्हर्च्युअल सुनावणीवेळी वकील ओढत होता सिगारेट, हायकोर्टाने 'या' शब्दांत फटकारले

शेतकरी म्हणाले, ही विधेयकं अमान्य

संसदेत अलिकडेच तीन कृषी विधेयकं मंजूर झाली. या कृषी विधेयकांविरोधात पंजाब आणि हरयाणातील शेतकऱ्यांनी आंदोलन सुरू केलं आहे. पंजाबमध्ये शेतकऱ्यांनी तीन दिवस पंजाब बंदची घोषणा दिली आहे. कोणत्याही परिस्थितीत कृषी विधेयकं स्वीकारणार नाहीत, असं शेतकर्‍यांनी स्पष्ट केलं आहे. किसान मजदूर संघर्ष समितीने अमृतसरमध्ये रेल रोको आंदोलन सुरू केले आहे. २४ सप्टेंबर ते २६ सप्टेंबरपर्यंत हे आंदोलन सुरू राहणार आहे.