गोवा:
गोव्याचे दिवंगत मुख्यमंत्री मनोहर पर्रीकर व भाजपाध्यक्ष अमित शहा यांच्याबद्दल एका पाद्रींनी आक्षेपार्ह वक्तव्य केल्याबद्दल गोवा कॅथॉलिक चर्चने जाहीर माफी मागितली आहे. तसंच पत्रकच प्रसिद्ध करण्यात आलं आहे.
'अवर लेडी' चर्चचे फादर डीसिल्व्हा यांनी भाजपला मतदान करू नका, असं आवाहन ख्रिश्चन धर्मीयांना केलं होतं. हे आवाहन करताना त्यांनी भाजपवर सडकून टीका केली होती. अमित शहा हे सैतान आहेत. तर, मनोहर पर्रीकरांवर परमेश्वराचा कोप झाल्यामुळंच त्यांना कॅन्सर झाला, असं फादर डीसिल्व्हा म्हणाले होते. त्यांचा हा व्हिडिओ सोशल मीडियावर व्हायरल झाला. त्यानंतर चर्चवर सर्वच स्तरातून जोरदार टीका होऊ लागली. एखादे धर्मगुरू अशी वक्तव्य कशी करू शकतात, असे प्रश्न विचारले जाऊ लागले. अखेर चर्चने सोमवारी याबद्दल पत्रक काढून वादावर पडदा टाकला आहे.
चर्चने दिले होते पाद्रींना 'हे' आदेश
मतदानाबद्दल जागृती करा, असे निर्देश सर्वच पाद्रींना चर्चकडून देण्यात आले आहेत. मतदानाचा टक्का वाढावा यासाठी भाविकांना मतदानास प्रवृत्त करा. त्यांना मतदानाचं महत्त्व पटवून द्या, अशा सूचना पाद्रींना देण्यात आल्या आहेत. मात्र, कोणत्याही राजकीय पक्षाला पाठिंबा देऊ नका, असंही बजावण्यात आलं होतं. असं असतानाही डीसिल्वा यांनी थेट भाजपविरोधाची भूमिका घेतली होती. त्यामुळं चर्चला दिलगिरी व्यक्त करावी लागली.
गोव्याचे दिवंगत मुख्यमंत्री मनोहर पर्रीकर व भाजपाध्यक्ष अमित शहा यांच्याबद्दल एका पाद्रींनी आक्षेपार्ह वक्तव्य केल्याबद्दल गोवा कॅथॉलिक चर्चने जाहीर माफी मागितली आहे. तसंच पत्रकच प्रसिद्ध करण्यात आलं आहे.
'अवर लेडी' चर्चचे फादर डीसिल्व्हा यांनी भाजपला मतदान करू नका, असं आवाहन ख्रिश्चन धर्मीयांना केलं होतं. हे आवाहन करताना त्यांनी भाजपवर सडकून टीका केली होती. अमित शहा हे सैतान आहेत. तर, मनोहर पर्रीकरांवर परमेश्वराचा कोप झाल्यामुळंच त्यांना कॅन्सर झाला, असं फादर डीसिल्व्हा म्हणाले होते. त्यांचा हा व्हिडिओ सोशल मीडियावर व्हायरल झाला. त्यानंतर चर्चवर सर्वच स्तरातून जोरदार टीका होऊ लागली. एखादे धर्मगुरू अशी वक्तव्य कशी करू शकतात, असे प्रश्न विचारले जाऊ लागले. अखेर चर्चने सोमवारी याबद्दल पत्रक काढून वादावर पडदा टाकला आहे.
चर्चने दिले होते पाद्रींना 'हे' आदेश
मतदानाबद्दल जागृती करा, असे निर्देश सर्वच पाद्रींना चर्चकडून देण्यात आले आहेत. मतदानाचा टक्का वाढावा यासाठी भाविकांना मतदानास प्रवृत्त करा. त्यांना मतदानाचं महत्त्व पटवून द्या, अशा सूचना पाद्रींना देण्यात आल्या आहेत. मात्र, कोणत्याही राजकीय पक्षाला पाठिंबा देऊ नका, असंही बजावण्यात आलं होतं. असं असतानाही डीसिल्वा यांनी थेट भाजपविरोधाची भूमिका घेतली होती. त्यामुळं चर्चला दिलगिरी व्यक्त करावी लागली.