सरकारी नोकरी मिळवली अन् गावचा शाप मिटवला; स्वातंत्र्यांच्या ७५ वर्षानंतर 'या' गावात साजरा झाला जल्लोष

मुजफ्फरपूरः देशात यंदा स्वातंत्र्याचा अमृतमहोत्सव साजरा केला जात आहे. मात्र, बिहार राज्यात असं एक गाव आहे जिथे ७५ वर्षांत एकाही गावकऱ्याला सरकारी नोकरी करायची संधी मिळाली नाही. देश स्वातंत्र्य होऊन सात दशके लोटल्यानंतर अखेर या गावातून एका तरुणाला सरकारी नोकरी लागली आहे. याबातमीनंतर गावात जल्लोषाचे वातावरण आहे.

बिहार राज्यातील मुजफ्फरपुर जिल्ह्यातील सोहागपूर हे गाव असून या गावातील अजून एकाही व्यक्तीला सरकारी नोकरी मिळण्याचे भाग्य लाभले नाहीये. मात्र, हा गावचा हा शाप राकेश कुमार यांने मिळवला आहे. राकेश कुमारला सरकारी नोकरी लागताच संपूर्ण गावाने मोठा उत्सव साजरा केला. राकेश हे सरकारी शिक्षक म्हणून आता रुजू होणार आहेत. जवळपास तीन हजारांची लोकसंख्या असलेल्या या गावात आत्तापर्यंत एकदाही सरकारी नोकरी करण्याची संधी मिळाली नाही. मात्र, गावातील राम लाल चौधरी यांचे पुत्र राकेश कुमारने मेहनत आणि चिकाटीने हे यश मिळवले आहे.

वाचाः यंदा रब्बीची होणार ‘रेकॉर्ड ब्रेक’ पेरणी! कृषी विभागाकडून २.१० लाख ९११ हेक्टरचे नियोजन

राकेश यांच्या वडिलांचे गावातच किराणा दुकान आहे. किराणा दुकान चालवून त्यावर त्यांनी मुलाचे शिक्षण पूर्ण केले आहे. प्राथमिक शिक्षण गावातून पूर्ण केल्यानंतर त्याने दरभंगा विद्यापिठातून एमकॉमपर्यंतचं शिक्षण पूर्ण केलं. त्यानंतर त्यानं राजस्थानमधून बीएडची परीक्षा दिली आणि त्यात तो उत्तीर्ण झाला. बिहारमध्ये शिक्षक पात्रता परीक्षेतही त्यांनी यश मिळवलं आणि शिक्षक होण्याचे आपलं स्वप्न पूर्ण केलं आहे.

वाचाः विदर्भ विकास मंडळाला तब्बल २९ महिन्यांनी मुदतवाढ; ११ वर्षांनी मंडळ ‘वैधानिक’, केंद्राला प्रस्ताव पाठवणार

गावातील लोकांनी केला जल्लोष

राकेशच्या यशाबाबत माहिती मिळताच गावातील स्थानिक लोकांनी एकच जल्लोष केला. देशाच्या स्वातंत्र्यानंतर मेहनतीने सरकारी नोकरी मिळवणारा राकेश हा पहिला मुलगा आहे. आता गावातील इतर मुलांनीही राकेशसारखेच मेहनत व जिद्दीने आभ्यास केल्यास तेही त्यांच्या ध्येयापर्यंत पोहोचू शकतात, असं गावकऱ्यांनी म्हटलं आहे. राकेश लवकरच जिल्ह्यातील तुर्की येथील प्राथमिक शाळेत शिक्षक म्हणून रुजू होणार आहे.

वाचाः भावी पत्नीला भेटायला घरी गेला, पण घडलं असं काही की तरुणीच्या भावांनी केली पट्ट्याने मारहाण