एकाच कुटुंबातील ५ जणांनी विष प्राशन केले, आजी आणि नातीचा मृत्यू

भोपाळः मध्य प्रदेशची राजधानी भोपाळमध्ये एक हृदयद्रावक घटना घडली आहे. एकाच कुटुंबातील पाच जणांनी विष प्राशन करून आत्महत्येचा प्रयत्न केला आहे. ही घटना पिपलानी परिसरात घडली. कौटुंबीक आत्महत्येचा प्रयत्न कारण्यामागचे कारण अद्याप उघड झालेले नाही. सर्वांना उपचारासाठी रुग्णालयात दाखल करण्यात आले आहे. उपचारादरम्यान आजी आणि नातीचा मृत्यू झाला आहे. तर तीन जणांवर रुग्णालयात उपचार सुरू आहेत.

धक्कादायक घटनेनंतर अनेक चर्चा सुरू झाल्या आहेत. आर्थिक कारणातून कुटुंबीयांनी सामूहिक आत्महत्येचा प्रयत्न केल्याचे बोलले जात आहे. विष प्राशन करणाऱ्यांमध्ये पती-पत्नी, दोन मुली आणि आईचा समावेश आहे. आजी आणि १६ वर्षीय मुलीचा मृत्यू झाला आहे. उर्वरितांची प्रकृती चिंताजनक आहे. ही घटना रात्री उशिरा घडली. नागरिकांना सकाळी ही घटना कळली.

udhampur-durg express : बर्निंग ट्रेनचा थरार! धावत्या उधमपूर-दुर्ग एक्स्प्रेसला लागली भीषण आग

विशेष म्हणजे हे कुटुंब पिपलाणी पोलीस स्टेशन हद्दीतील अशोक विहार कॉलनीत राहते. कुटुंबप्रमुख संजीव जोशी हे व्यवसायाने मेकॅनिक आहेत. त्यांनी उंदीर मारण्याचे औषध प्राषन केल्याचे सांगितले जात आहे. या सर्वांवर पटेल नगर येथील गायत्री रुग्णालयात उपचार सुरू आहेत. कुटुंबीयांनी हे जीवघेणे पाऊल का उचलले, हे तपासानंतरच स्पष्ट होणार आहे.

धर्मांतरानंतर 'आंतरजातीय विवाहा'चा दावा, न्यायालयाची महत्त्वपूर्ण टिप्पणी