छत्तीसगड: सुरक्षा दलाच्या चकमकीत ५ नक्षलवादी ठार

रायपूर:
छत्तीसगडमधील नारायणपूर जिल्ह्यात सुरक्षा दल आणि नक्षलवाद्यांमध्ये झालेल्या चकमकीत पाच नक्षलवादी ठार झाले. यानंतर या परिसरातील जंगलांमध्ये मोठी शोधमोहीम हाती घेण्यात आली आहे. या चकमकीत सुरक्षा दलाचे दोन सैनिक जखमी झाल्याचंही वृत्त आहे.

शनिवारी सकाळी नारायणपूर जिल्ह्यात अबुझमाड भागातील जंगलांमध्ये ही चकमक झाली. यावेळी सैनिकांनी पाच नक्षलींना कंठस्नान घातले. गोळीबारादरम्यान काही नक्षलवादी पळून जाण्यात यशस्वी झाले.

सुरक्षा दलाचे दोन सैनिक गंभीर जखमी झाले आहेत. त्यांना उपचारांसाठी जवळच्या रुग्णालयात दाखल करण्यात आले आहे. नक्षलवादी ठार झाल्याची सूचना मिळाल्यानंतर या भागात सैन्याने मोठी शोधमोहीम हाती घेतली आहे. परिसरात हाय अलर्ट जारी केला आहे.