बेंगळुरू:
सर्वसामान्यांना होणारा त्रास, त्यांच्या समस्या, अडचणी पाहून त्या सोडवण्यासाठी काहीतरी करावं या जाणीवेतून 'स्विगी' या अन्नपदार्थांची ऑनलाइन विक्री करणाऱ्या कंपनीतील एक अधिकारी चक्क गलेलठ्ठ पगाराची नोकरी सोडून लोकसभा निवडणुकीच्या आखाड्यात उतरला आहे. बेंगळुरू मध्य मतदारसंघातून तो अपक्ष निवडणूक लढवत आहे. जेनिफर जे. रसेल (वय ३८) असं निवडणूक रिंगणात उतरलेल्या तरुणाचं नाव असून, तो केरळातील तिरुवअनंतपुरमचा रहिवासी आहे. बेंगळुरू मध्य मतदारसंघातून त्याच्यासह २२ उमेदवार आपलं भवितव्य आजमावत आहेत. डिश अँटेना हे त्याचं निवडणूक चिन्ह आहे. काहीतरी आव्हानात्मक करावं या विचारातूनच निवडणूक लढवण्याचा निर्णय घेतला, असं तो सांगतो.
टेलिकॉम इंजिनीअर असलेला रसेल आधी उबर या कंपनीत काम करत होता. त्यानंतर तो स्विगीमध्ये फूड डिलिव्हरी एक्झिक्युटिव्ह म्हणून रुजू झाला. काहीतरी आव्हानात्मक करण्याच्या इच्छेनं त्यानं निवडणूक रिंगणात उतरण्याचा निर्णय घेतला. लोकांचे प्रश्न सोडवण्यासाठी त्यानं मोठ्या पगाराच्या नोकरीवर पाणी सोडलं. सुरुवातीला एसी कारने प्रवास करत असे. मात्र, आता मोटरसायकलवरून जाताना प्रदूषण, खड्डे, अस्वच्छता, कचऱ्याची दुर्गंधी, वाहतूक समस्या आणि पार्किंग आदी प्रश्न समजले. मोटरसायकलवरून प्रवास केल्यानं शहरातील वास्तवाचा अनुभव घेता आला, असं रसेल म्हणाला.
सर्वसामान्यांना होणारा त्रास, त्यांच्या समस्या, अडचणी पाहून त्या सोडवण्यासाठी काहीतरी करावं या जाणीवेतून 'स्विगी' या अन्नपदार्थांची ऑनलाइन विक्री करणाऱ्या कंपनीतील एक अधिकारी चक्क गलेलठ्ठ पगाराची नोकरी सोडून लोकसभा निवडणुकीच्या आखाड्यात उतरला आहे. बेंगळुरू मध्य मतदारसंघातून तो अपक्ष निवडणूक लढवत आहे.
टेलिकॉम इंजिनीअर असलेला रसेल आधी उबर या कंपनीत काम करत होता. त्यानंतर तो स्विगीमध्ये फूड डिलिव्हरी एक्झिक्युटिव्ह म्हणून रुजू झाला. काहीतरी आव्हानात्मक करण्याच्या इच्छेनं त्यानं निवडणूक रिंगणात उतरण्याचा निर्णय घेतला. लोकांचे प्रश्न सोडवण्यासाठी त्यानं मोठ्या पगाराच्या नोकरीवर पाणी सोडलं. सुरुवातीला एसी कारने प्रवास करत असे. मात्र, आता मोटरसायकलवरून जाताना प्रदूषण, खड्डे, अस्वच्छता, कचऱ्याची दुर्गंधी, वाहतूक समस्या आणि पार्किंग आदी प्रश्न समजले. मोटरसायकलवरून प्रवास केल्यानं शहरातील वास्तवाचा अनुभव घेता आला, असं रसेल म्हणाला.