हैदराबादः
अमेरिकेत शिक्षणासाठी गेलेल्या सुमारे ६०० विद्यार्थ्यांना इमिग्रेशन नियमांचं उल्लंघन केल्याप्रकरणी ताब्यात घेण्यात आल्याचं वृत्त आहे. अमेरिकन तेलुगू असोसिएशन यांनी याबाबतची माहिती दिली आहे. इमिग्रेशन, अबकारी अंमलबजावणी विभाग आणि देशांतर्गत सुरक्षा विभागाने संयुक्तरित्या कारवाई करत भारतीय विद्यार्थ्यांच्या अमेरिकेतील घरांवर छापा टाकून विद्यार्थ्यांना ताब्यात घेतले. याबाबत माहिती देणारी पोस्ट अमेरिकन तेलुगू असोसिएशनने फेसबुकवर शेअर केली आहे. या कारवाईत मोठ्या प्रमाणात तेलुगू भाषिक विद्यार्थांना अटक करण्यात आल्याची माहिती या पोस्टमधून देण्यात आली आहे.
कोणतीही परवानगी न घेता अमेरिकेत राहत असलेल्या विद्यार्थ्यांवर ही कारवाई करण्यात आली आहे. होमलँड सुरक्षा विभागानं यासाठी मिशिगन येथे बनावट विद्यापीठाची स्थापना केली होती. २०१५ मध्ये नियमांचं उल्लंघन करून अमेरिकेत राहत असलेल्या विद्यार्थ्यांना जाळ्यात ओढण्यासाठी या विद्यापीठाची स्थापना करण्यात आली होती. बेकायदा पद्धतीनं या विद्यापीठात विद्यार्थ्यांना प्रवेश देणाऱ्या ८ जणांविरोधात आरोप ठेवण्यात आला आहे.
पीडित विद्यार्थी आणि त्यांच्या मित्रांकरवी अमेरिकन तेलुगू असोसिएशनला याबाबतची माहिती मिळाली. असोसिएशनच्या माध्यमातून या विद्यार्थ्यांना मदत करण्यात येत आहे. अमेरिकन विभागाकडे चौकशी केली असता, ६०० विद्यार्थ्यांविरोधात अटक वॉरंट बजावण्यात आले आहे. ६०० पैकी १०० विद्यार्थ्यांना अटक करण्यात आली आहे. राजदूत आणि वाणिज्यदूताला याची माहिती देण्यात आली असून, पुढील कार्यवाही सुरू आहे.
अमेरिकेत शिक्षणासाठी गेलेल्या सुमारे ६०० विद्यार्थ्यांना इमिग्रेशन नियमांचं उल्लंघन केल्याप्रकरणी ताब्यात घेण्यात आल्याचं वृत्त आहे. अमेरिकन तेलुगू असोसिएशन यांनी याबाबतची माहिती दिली आहे.
कोणतीही परवानगी न घेता अमेरिकेत राहत असलेल्या विद्यार्थ्यांवर ही कारवाई करण्यात आली आहे. होमलँड सुरक्षा विभागानं यासाठी मिशिगन येथे बनावट विद्यापीठाची स्थापना केली होती. २०१५ मध्ये नियमांचं उल्लंघन करून अमेरिकेत राहत असलेल्या विद्यार्थ्यांना जाळ्यात ओढण्यासाठी या विद्यापीठाची स्थापना करण्यात आली होती. बेकायदा पद्धतीनं या विद्यापीठात विद्यार्थ्यांना प्रवेश देणाऱ्या ८ जणांविरोधात आरोप ठेवण्यात आला आहे.
पीडित विद्यार्थी आणि त्यांच्या मित्रांकरवी अमेरिकन तेलुगू असोसिएशनला याबाबतची माहिती मिळाली. असोसिएशनच्या माध्यमातून या विद्यार्थ्यांना मदत करण्यात येत आहे. अमेरिकन विभागाकडे चौकशी केली असता, ६०० विद्यार्थ्यांविरोधात अटक वॉरंट बजावण्यात आले आहे. ६०० पैकी १०० विद्यार्थ्यांना अटक करण्यात आली आहे. राजदूत आणि वाणिज्यदूताला याची माहिती देण्यात आली असून, पुढील कार्यवाही सुरू आहे.