​'बलात्कार होणारच आहे, तर मग झोपून...', वक्तव्याने काँग्रेस आमदार वादात​

बेंगळुरू : काँग्रेसचे आमदार आणि कर्नाटक विधानसभेचे माजी अध्यक्ष रमेश कुमार यांनी महिलांबाबत अत्यंत आक्षेपार्ह वक्तव्य केले आहे. अतिशय लाजीरवाणे हे वक्तव्य आहे. बलात्कार होणारच आहे, तर मग झोपा आणि आनंद घ्या, असे लज्जास्पद वक्तव्य केआर रमेश कुमार यांनी केले आहे. आता या वक्तव्यावरून त्यांच्यावर कारवाईची मागणी केली जात आहे. अनेक आमदारांना सभागृहात पाऊस आणि पुरामुळे झालेल्या नुकसानीवर चर्चेदरम्यान बोलायचे होते. गदारोळामुळे त्यांना बोलता आले नाही.

सभापती विश्वेश्वर हेगडे यांच्याकडेही कमी वेळ असल्याने आमदारांनी वेळ वाढवून देण्याची मागणी केली. तर हेगडे यांना संध्याकाळी ६ वाजेपर्यंत चर्चा संपवायची होती. यामुळे सभापती विश्वेशर हेगडे यांनी गदारोळावर नाराजी व्यक्त केली. गदारोळ सुरूच ठेवून त्याचा आनंद घ्यायचा का? असं ते म्हणाले.
सभागृहाचं कामकाज चालत नाहीए, ही आपली चिंता असल्याचं सभापती हेगडे म्हणाले. यावेळी मध्येच माजी मंत्री रमेश कुमार बोलले. 'बघा एक म्हण आहे - जेव्हा बलात्कार होणारच आहे, तेव्हा झोपा आणि मजा घ्या. तुम्ही सध्या त्याच स्थितीत आहात, असे वादग्रस्त वक्तव्य रमेश कुमार यांनी केले. आता या वक्तव्यावरून रमेश कुमार यांच्यावर सर्वच स्तरातून टीका होत आहे. असे वादग्रस्त वक्तव्य करण्याची काँग्रेसचे ज्येष्ठ नेते असलेले रमेश कुमार यांची ही पहिलीच वेळ नाही. २०१९ मध्ये सभापती असतानाही त्यांनी आपल्या स्थितीची तुलना बलात्कार पीडितेशी करून मोठा वाद निर्माण केला होता. रमेश कुमार यांच्या या वक्तव्यानंतर त्यांच्या पक्षाच्या आमदारांनीच नव्हे तर महिला सदस्यांनीही सभागृहात निदर्शने करत त्यांच्या वक्तव्याचा निषेध केला.

jaitapur project : मोठी बातमीः जैतापूर अणुऊर्जा प्रकल्पाचा मार्ग मोकळा? केंद्राने दिली मोठी माहिती

दरम्यान, सोशल मीडियावर त्यांच्या वक्तव्याचा एक व्हिडिओ व्हायरल होतोय. 'अशा वक्तव्यांवरून सभागृहाने सर्व माहिलांची माफी मागितली पाहिजे. प्रत्येक माता-भगिनी आणि मुलीची माफी मागितली पाहिजे', असे आमदार सौम्या रेड्डींनी म्हटले.

Sreedharan Quits Active Politics: मेट्रोमॅन श्रीधरन यांचा राजकारणातून संन्यास; म्हणाले, 'मला चांगलाच...'

रमेश कुमार यांनी व्यक्त केली दिलगिरी

आपल्या वक्तव्यामुळे कुणाच्या भावना दुखावल्या असतील तर त्याबद्दल आपण दिलगीर आहोत. हे प्रकरण आणखी वाढून नये, असं केआर रमेश कुमार हे कर्नाटक विधानसभेत आज म्हणाले.