एन. डी. तिवारी चिंताजनक

मटा ऑनलाइन वृत्त । नवी दिल्ली

माजी केंद्रीय मंत्री आणि उत्तर प्रदेशचे माजी मुख्यमंत्री एन. डी. तिवारी यांना मेंदूतील रक्तस्त्रावामुळे (ब्रेन हॅमऱ्हेज) दिल्लीतील मॅक्स हॉस्पिटलमध्ये दाखल करण्यात आले असून त्यांची प्रकृती चिंताजनक असल्याचे सांगण्यात आले.

आज सकाळी तिवारी यांना ब्रेन स्ट्रोक आला आणि त्यांच्या अर्ध्या शरिराला लकवा मारला. त्यानंतर त्यांना दिल्लीत हलवण्यात आले. त्यांच्यावर सध्या अतिदक्षता विभागात उपचार सुरू आहेत.

एन. डी. तिवारी यांचा मुलगा शेखर तिवारीने याबाबत सांगितले की, सकाळी चहा घेत असतानाच अचानक ते बेशुद्ध पडले. त्यानंतर त्यांना आम्ही रुग्णालयात दाखल केले.

दरम्यान, ९१ वर्षीय तिवारी यांनी तीनवेळा उत्तर प्रदेशचे मुख्यमंत्रिपद तर एकवेळ उत्तराखंडचे मुख्यमंत्रिपद भुषविलेले आहे. ते केंद्रातही मंत्री होते.