यूपीचे माजी मुख्यमंत्री रामनरेश यादव यांचं निधन

मटा ऑनलाइन वृत्त । लखनऊ

उत्तर प्रदेशचे माजी मुख्यमंत्री राम नरेश यादव यांचं आज प्रदीर्घ आजारानं निधन झालं. ते ९० वर्षांचे होते.

राम नरेश यादव हे मधुमेह व फुफ्फुसाच्या विकारानं ग्रस्त होते. गेल्या दोन महिन्यांपासून त्यांच्यावर लखनऊ येथील संजय गांधी इन्स्टिट्यूट ऑफ मेडिकल सायन्सेस या रुग्णालयात उपचार सुरू होते. मात्र, शरीरातील अनेक अवयव निकामी झाल्यानं ते उपचाराला प्रतिसाद देत नव्हते. दिवसेंदिवस त्यांची प्रकृती खालावत चालली होती. अखेर आज सकाळी साडेआठच्या सुमारास त्यांची प्राणज्योत मालवली.

रामनरेश यांनी १९७७ व १९७९ या कालावधीत उत्तर प्रदेशचे मुख्यमंत्रीपद भूषवले होते. मध्य प्रदेशचे राज्यपाल म्हणूनही त्यांनी काम पाहिले होते.