बेंगळूरू:
कर्नाटकमध्ये काँग्रेसच्या चिंतेत आणखीच वाढ होत आहे. काँग्रेसने बोलावलेल्या आमदारांच्या बैठकीत गैरहजर राहणारे चार आमदार शनिवारीदेखील समोर आले नाहीत. त्यामुळे हे चारही आमदार भाजपच्या गळाला लागल्याची शक्यता वर्तवण्यात येत आहे.
कर्नाटकमध्ये सुरू असलेल्या राजकीय संकटावर चर्चा करण्यासाठी काँग्रेसने रविवारीदेखील बैठक बोलावली आहे. शुक्रवारी झालेल्या आमदारांच्या बैठकीत चार आमदार गैरहजर राहिले होते. त्यापैकी रमेश जारकिहोली आणि महेश कुमातल्ली यांना पक्षांतरविरोधी कायद्यानुसार कारणे दाखवा नोटीस बजावण्यात येणार आहे. त्यामुळे या आमदारांचे विधानसभेचे सदस्यत्व रद्द करता येणार आहे. त्याशिवाय उमेश जाधव आणि बी. नागेंद्र या दोन आमदारांबाबत काँग्रेस 'वेट अॅण्ड वॉच'ची भूमिका घेणार आहे.
उमेश जाधवदेखील भाजपच्या वाटेवर असल्याची चर्चा आहे. भाजप त्यांना काँग्रेसचे ज्येष्ठ नेते मल्लिकार्जुन खरगे यांच्याविरोधात कलबुर्गी लोकसभा मतदारसंघातून निवडणुकीत उतरवू शकते. शुक्रवारी झालेल्या काँग्रेस आमदारांच्या बैठकीत अनुपस्थित राहण्याबाबत त्यांनी पत्राद्वारे असमर्थता व्यक्त केली होती.
दरम्यान, कर्नाटक सरकारमधील काँग्रेसचे ज्येष्ठ नेते आपले मंत्रिपद सोडण्याच्या तयारीत असल्याची माहिती सूत्रांनी दिली. काँग्रेसचे ज्येष्ठ नेते आणि कॅबिनेट मंत्री डी. के. शिवकुमार यांनी पक्षाच्या हितासाठी आपण व इतर ज्येष्ठ आमदार मंत्रिपद सोडण्यास तयार असल्याचे सांगितले. पक्षातंर्गत मतभेद संपुष्टात आणण्यासाठी राजीनाम्याच्या पर्यायावर चर्चा करण्यात आली असल्याचे त्यांनी सांगितले.
कर्नाटकमध्ये काँग्रेसच्या चिंतेत आणखीच वाढ होत आहे. काँग्रेसने बोलावलेल्या आमदारांच्या बैठकीत गैरहजर राहणारे चार आमदार शनिवारीदेखील समोर आले नाहीत. त्यामुळे हे चारही आमदार भाजपच्या गळाला लागल्याची शक्यता वर्तवण्यात येत आहे.
कर्नाटकमध्ये सुरू असलेल्या राजकीय संकटावर चर्चा करण्यासाठी काँग्रेसने रविवारीदेखील बैठक बोलावली आहे. शुक्रवारी झालेल्या आमदारांच्या बैठकीत चार आमदार गैरहजर राहिले होते. त्यापैकी रमेश जारकिहोली आणि महेश कुमातल्ली यांना पक्षांतरविरोधी कायद्यानुसार कारणे दाखवा नोटीस बजावण्यात येणार आहे. त्यामुळे या आमदारांचे विधानसभेचे सदस्यत्व रद्द करता येणार आहे. त्याशिवाय उमेश जाधव आणि बी. नागेंद्र या दोन आमदारांबाबत काँग्रेस 'वेट अॅण्ड वॉच'ची भूमिका घेणार आहे.
उमेश जाधवदेखील भाजपच्या वाटेवर असल्याची चर्चा आहे. भाजप त्यांना काँग्रेसचे ज्येष्ठ नेते मल्लिकार्जुन खरगे यांच्याविरोधात कलबुर्गी लोकसभा मतदारसंघातून निवडणुकीत उतरवू शकते. शुक्रवारी झालेल्या काँग्रेस आमदारांच्या बैठकीत अनुपस्थित राहण्याबाबत त्यांनी पत्राद्वारे असमर्थता व्यक्त केली होती.
दरम्यान, कर्नाटक सरकारमधील काँग्रेसचे ज्येष्ठ नेते आपले मंत्रिपद सोडण्याच्या तयारीत असल्याची माहिती सूत्रांनी दिली. काँग्रेसचे ज्येष्ठ नेते आणि कॅबिनेट मंत्री डी. के. शिवकुमार यांनी पक्षाच्या हितासाठी आपण व इतर ज्येष्ठ आमदार मंत्रिपद सोडण्यास तयार असल्याचे सांगितले. पक्षातंर्गत मतभेद संपुष्टात आणण्यासाठी राजीनाम्याच्या पर्यायावर चर्चा करण्यात आली असल्याचे त्यांनी सांगितले.