भावाला वाचवण्यासाठी बहिणीची उडी; दोघांना वाचवण्यासाठी आणखी दोघी झेपावल्या; चौघेही बुडाले

होसापेटे: एकाच कुटुंबातील चार मुलांचा बुडून मृत्यू झाल्याची घटना कर्नाटकमधील विजयनगर जिल्ह्यात घडली. हरपानहल्ली तालुक्यातील चन्नाहल्ली तांडा येथील चार मुलांचा तलावात बुडून करुण अंत झाला. चार मुलांच्या निधनानं कुटुंबावर दु:खाचा डोंगर कोसळला आहे.

अश्विनी (१७), अभिषेक (१४), काव्या (१९) आणि अपूर्वा (१४) यांचा पाण्यात बुडून मृत्यू झाला. तलावाच्या काठी बसलेला अभिषेक अचानक पाण्यात पडला. तो बुडू लागला. त्याला वाचवण्यासाठी अश्विनीनं पाण्यात उडी घेतली. ते बुडू लागल्याचं पाहून काव्या आणि अपूर्वा पाण्यात झेपावले. काही वेळातच हे चौघेही बुडाले. पोलीस आणि अग्निशमन दलाच्या जवानांनी चौघांचे मृतदेह शोधले.
धक्कादायक! कारला टेकून उभा राहिल्यानं लहानग्याला लाथ घातली; तरुणाचा माजोरडेपणा CCTVत कैद
पोलिसांनी दिलेल्या माहितीनुसार, चारही मुलांना पोहायला येत नव्हतं. त्याचवेळी तिथे त्यांना मदत करणारंही कोणी नव्हतं. काही ग्रामस्थ तलावाच्या काठावरून जात असताना त्यांना तिथे मुलांचे कपडे दिसले. त्यावरून त्यांना संशय आला. त्यांनी पोलिसांना फोन केला. पोलिसांनी स्थानिक जलतरणपटूंना पाचारण केलं. मात्र तोपर्यंत बराच उशीर झाला होता. या घटनेमुळे गावावर शोककळा पसरली आहे.