वृत्तसंस्था, नवी दिल्ली :
दिल्ली आणि परिसरामध्ये करोनारुग्णांची संख्या वाढत असली तरी रुग्णालयात रुग्णांना दाखल होण्याची गरज पडत नसल्याचे तज्ज्ञांनी मंगळवारी दाखवून दिले. 'या टप्प्यामध्ये चौथी लाट येईलच, असे आत्ता तरी म्हणता येणार नाही,' असे तज्ज्ञांनी स्पष्ट केले. (Coronavirus In India) 'कोव्हिड-१९चे निर्बंध हटविल्याने, शाळा सुरू झाल्याने आणि आर्थिक व्यवहार पूर्वपदावर येत असल्याने लोकांचे एकमेकांमध्ये मिसळणे वाढले आहे. कोव्हिड निर्बंध उठवून दोन आठवड्यांहून अधिक काळ आता झाला आहे. सध्या सुट्ट्यांचा काळ असल्यानेही लोकांची पर्यटनाच्या ठिकाणी गर्दी वाढत आहे. साथीच्या काळात लोक इतके गर्दी करत नव्हते,' असे निरीक्षण फिजिशियन आणि साथरोगतज्ज्ञ चंद्रकांत लहारिया यांनी नोंदवले. 'केवळ करोनारुग्णांची संख्या नोंदविणे उपयोगाचे नसून, रुग्णालयात दाखल होणाऱ्या रुग्णांची संख्याही पाहणे गरजेचे आहे. सध्या या संख्येत फार फरक पडलेला नाही,' हेदेखील त्यांनी सांगितले. दिल्लीतील रुग्णवाढीला चौथ्या लाटेची सुरुवात मानले जाऊ नये, असे त्यांनी स्पष्ट केले. अमेरिकेतील संसर्गरोगतज्ज्ञ अमित गुप्ता यांनीही निर्बंध हटवणे आणि लोकांचे अधिक एकमेकांत मिसळण्याच्या कारणाला दुजोरा दिला. या कारणांनी रुग्णवाढ होत असल्याचे ते म्हणाले.
भारतात १,२४७ नवे रुग्ण
देशभरात मंगळवारी १,२४७ नव्या करोनारुग्णांची नोंद झाली असून करोनारुग्णांची संख्या ४,३०,४५,५२७वर पोहोचली आहे. सध्या ११,८६० रुग्णांवर उपचार सुरू आहेत. उत्तर प्रदेशात एका करोनारुग्णाच्या मृत्यूची नोंद झाल्याने देशभरात करोनाने मृत झालेल्या रुग्णांची संख्या ५,२१,९६६वर पोहोचली. एकूण रुग्णांच्या तुलनेत उपचाराधीन रुग्णांचे प्रमाण ०.०३ टक्के आहे. तर बरे होण्याचा दर ९८.७६ टक्के आहे. मागील २४ तासांच्या कालावधीत उपचाराधीन रुग्णांच्या संख्येत ३१८ने वाढ झाली आहे. दैनंदिन पॉझिटिव्हिटी दर ०.३१ टक्के आणि आठवड्याचा पॉझिटिव्हिटी दर ०.३४ टक्के नोंदवला गेला.
'करोनाग्रस्तांची संख्या दरररोज पाठविली'
केरळने केंद्र सरकारला करोनारुग्णसंख्या दैनंदिन स्वरुपात पाठविली नाही, या आरोपाचे खंडन केले. केंद्र सरकार यावरून जे राजकारण करीत आहे, ते निषेधार्ह असल्याचे केरळच्या आरोग्यमंत्री वीणा जॉर्ज यांनी म्हटले आहे. राज्याने दररोज करोनाग्रस्तांची संख्या केंद्राला कळविली असल्याचे त्यांनी स्पष्ट केले. याबाबत डिजिटल पुरावे असून, ते झाकून ठेवता येणार नसल्याचे सांगितले.
शांघायमध्ये सात बळी
शांघायमध्ये सोमवारी आणखी सात जणांचा करोनाने मृत्यू झाला. चीनचे आर्थिक केंद्र असलेल्या शांघायमध्ये पुन्हा एकदा करोना संसर्गाचा उद्रेक झाला असून २१ हजार ४०० नव्या रुग्णांसह देशातील एकूण करोनामृतांची संख्या ४,६४८वर पोहोचली आहे. मृतांपैकी बहुसंख्य करोनारुग्ण हे शांघायमधील आहेत. चीनमध्ये ओमायक्रॉनचे रुग्णही वाढत आहे. चीनमध्ये सध्या करोनाचे ३,२९७ रुग्ण असून त्यापैकी ३,०८४ शांघायमध्ये आहेत.
दिल्ली आणि परिसरामध्ये करोनारुग्णांची संख्या वाढत असली तरी रुग्णालयात रुग्णांना दाखल होण्याची गरज पडत नसल्याचे तज्ज्ञांनी मंगळवारी दाखवून दिले. 'या टप्प्यामध्ये चौथी लाट येईलच, असे आत्ता तरी म्हणता येणार नाही,' असे तज्ज्ञांनी स्पष्ट केले. (Coronavirus In India)
भारतात १,२४७ नवे रुग्ण
देशभरात मंगळवारी १,२४७ नव्या करोनारुग्णांची नोंद झाली असून करोनारुग्णांची संख्या ४,३०,४५,५२७वर पोहोचली आहे. सध्या ११,८६० रुग्णांवर उपचार सुरू आहेत. उत्तर प्रदेशात एका करोनारुग्णाच्या मृत्यूची नोंद झाल्याने देशभरात करोनाने मृत झालेल्या रुग्णांची संख्या ५,२१,९६६वर पोहोचली. एकूण रुग्णांच्या तुलनेत उपचाराधीन रुग्णांचे प्रमाण ०.०३ टक्के आहे. तर बरे होण्याचा दर ९८.७६ टक्के आहे. मागील २४ तासांच्या कालावधीत उपचाराधीन रुग्णांच्या संख्येत ३१८ने वाढ झाली आहे. दैनंदिन पॉझिटिव्हिटी दर ०.३१ टक्के आणि आठवड्याचा पॉझिटिव्हिटी दर ०.३४ टक्के नोंदवला गेला.
'करोनाग्रस्तांची संख्या दरररोज पाठविली'
केरळने केंद्र सरकारला करोनारुग्णसंख्या दैनंदिन स्वरुपात पाठविली नाही, या आरोपाचे खंडन केले. केंद्र सरकार यावरून जे राजकारण करीत आहे, ते निषेधार्ह असल्याचे केरळच्या आरोग्यमंत्री वीणा जॉर्ज यांनी म्हटले आहे. राज्याने दररोज करोनाग्रस्तांची संख्या केंद्राला कळविली असल्याचे त्यांनी स्पष्ट केले. याबाबत डिजिटल पुरावे असून, ते झाकून ठेवता येणार नसल्याचे सांगितले.
शांघायमध्ये सात बळी
शांघायमध्ये सोमवारी आणखी सात जणांचा करोनाने मृत्यू झाला. चीनचे आर्थिक केंद्र असलेल्या शांघायमध्ये पुन्हा एकदा करोना संसर्गाचा उद्रेक झाला असून २१ हजार ४०० नव्या रुग्णांसह देशातील एकूण करोनामृतांची संख्या ४,६४८वर पोहोचली आहे. मृतांपैकी बहुसंख्य करोनारुग्ण हे शांघायमधील आहेत. चीनमध्ये ओमायक्रॉनचे रुग्णही वाढत आहे. चीनमध्ये सध्या करोनाचे ३,२९७ रुग्ण असून त्यापैकी ३,०८४ शांघायमध्ये आहेत.