पश्चिम बंगालमध्ये करोनावरील लस सर्वांना मोफत, मुख्यमंत्री ममता बॅनर्जींची घोषणा

कोलकाताः पश्चिम बंगालच्या मुख्यमंत्री ममता बॅनर्जी ( mamata banerjee ) यांनी करोना लसीकरणाबाबत मोठी घोषणा केली आहे. राज्य सरकार राज्यातील सर्व गरजू नागरिकांना करोनावरील लस मोफत ( free coronavirus vaccine ) दिली जाईल. राज्य सरकार यासाठी व्यवस्था करत असल्याचं ममता बॅनर्जी म्हणाल्या. पश्चिम बंगालमध्ये विधानसभा निवडणुकीपूर्वी ममता सरकारची ही मोठी घोषणा आहे.

देशात करोनावरील लसीकरण मोहीम १६ जानेवारीपासून सुरू होत आहे. यापूर्वी ममता बॅनर्जी यांनी राज्यातील जनतेला करोना लस मोफत देण्याची घोषणा केली आहे. पण १६ जानेवारीपासून सुरू होणारी लसीकरण मोहीम ही पहिल्या टप्प्यात निवडक नागरिकांना दिली जाणार आहे. यामध्ये आरोग्य कर्मचारी, अग्रभागी आरोग्य कर्मचारी, आणि आधीच संसर्ग झालेल्या ५० वर्षांवरील नागरिकांचा यात समावेश आहे. या नागरिकांकडून पैसे घेतले जाणार की नाही, हे केंद्र सरकारने अद्याप स्पष्ट केलेलं नाही.

दरम्यान, दिल्लीसह अनेक राज्यांनी देशातील जनतेला करोनावरील लस मोफत मिळावी, अशी मागणी केली आहे. बिहार विधानसभा निवडणुकीच्या वेळी भाजपने सत्ता आल्यास राज्यातील जनतेला लस दिली जाईल, असं आश्वासन दिलं होतं.

करोनाः ब्रिटननंतर आता दक्षिण आफ्रिकेतील नवीन व्हायरसे तीन रुग्ण आढळले

नितीशकुमारांचा इशाऱ्यांमधून भाजपवर हल्ला; म्हणाले, 'शत्रू कोण आणि मित्र कोण कळलच नाही'

विधानसभा निवडणुकीपूर्वी मोफत करोना लसीची घोषणा

पश्चिम बंगाल एप्रिल-मेमध्ये विधानसभेची निवडणूक होणार आहे. पश्चिम बंगालमध्ये विधानसभेच्या २९४ जागा आहेत. या पार्श्वभूमीवर ममतांच्या या घोषणेला महत्त्व आलं आहे. "आपलं सरकार राज्यातील नागरिकांना करोनावरील मोफत लस देण्याची व्यवस्था करत आहे, असं ममता बॅनर्जी यांनी एक पत्रक जारी करत म्हटलं आहे.