शाहरुख, सायना, रजीनाकांत यांना मोदींच्या शपथविधीचं निमंत्रण

नवी दिल्ली: राष्ट्रपती भवनात उद्या गुरुवारी होणाऱ्या पंतप्रधान नरेंद्र मोदी यांच्या शपथविधी सोहळ्याला राजकारण्यांबरोबरच बॉलिवूड आणि क्रीडा जगतातल्या नामवंतांना उपस्थित राहण्याचं निमंत्रण देण्यात आलं आहे. दाक्षिणात्य सुपरस्टार रजनीकांत, किंग खान शाहरुख खान, माजी क्रिकेटपटू राहुल द्रविड आणि बॅडमिंटन स्टार सायना नेहवाल यांना या सोहळ्याचं विशेष आमंत्रण देण्यात आलं आहे.

मोदींच्या शपथविधी सोहळ्यासाठी प्रसिद्ध उद्योगपती आणि रिलायन्सचे सर्वेसर्वा मुकेश अंबानी, गौतम अदानी, अजय पिरामल, जॉन चेंबर्स, बिल गेट्स आणि रतन टाटा यांनाही निमंत्रित करण्यात आलं आहे. आएमएफचे व्यवस्थापकीय संचालक ख्रिस्तीन लेगार्ड यांच्यासह प्रसिद्ध धावपटू पी. टी. उषा, अनिल कुंबळे, जवागल श्रीनाथ, हरभजन सिंग, बॅडमिंटन कोच पुलेला गोपिचंद, दीपा कर्माकर यांनाही निमंत्रित करण्यात आलं आहे. बॉलिवूडमधून कंगना रणौत, संजय लिला भन्साळी, करण जोहर यांनाही निमंत्रण देण्यात आलं आहे. त्याचप्रमाणे बांग्लादेशचे राष्ट्रपती अब्दूल हमीद, श्रीलंकेचे राष्ट्रपती मैत्रीपाल सिरिसेना, नेपाळचे पंतप्रधान के.पी. शर्मा ओली, म्यानमारचे राष्ट्रपती यू विन माइंट आणि भूतानचे पंतप्रधान लोटे शेरिंग यांनाही निमंत्रण देण्यात आलं आहे.