'गडकरींकडून मोदींच्या हत्येचा कट'

नवी दिल्ली:

केंद्रीय परिवहन मंत्री नितीन गडकरी आणि राष्ट्रीय स्वयंसेवक संघ पंतप्रधान नरेंद्र मोदी यांच्या हत्येचा कट रचत असल्याचं ट्विट करणाऱ्या जेएनयू विद्यार्थी संघटनेच्या माजी उपाध्यक्षा शेहला रशीद यांनी गडकरींनी कारवाईचा इशारा देताच शेहलाने यू-टर्न घेतला आहे. ते ट्विट उपाहासाचा एक भाग असल्याचं सांगत शेहलाने सारवासारव करण्याचा प्रयत्न केला आहे.

'संघ आणि नितीन गडकरी नरेंद्र मोदी यांच्या हत्येचा कट रचत आहेत. नंतर या हत्येचा आरोप मुस्लिम आणि कम्युनिस्टांवर करतील आणि मुस्लिमांनांच्या हत्या घडवून आणतील,' असं ट्विट शेहला यांनी केलं होतं. त्यावर गडकरी यांनी जोरदार आक्षेप घेत कायदेशीर कारवाईचा इशारा दिला होता. 'ज्यांनी माझ्यावर मोदींच्या हत्येचा कट रचल्याचा आरोप केला. अशा समाजकंटकांविरोधात मी कायदेशीर कारवाई करणार आहे,' असं गडकरींनी म्हटलं होतं. त्यावर शेहला यांनी लगेचच सारवासारव करत केली. 'मस्करीत केलेल्या ट्विटवर जगातील सर्वात मोठा पक्ष कारवाई करणार आहे,' असं शेहलाने म्हटलं आहे.