Manohar Parrikar: मनोहर पर्रिकर यांची प्रकृती चिंताजनक

पणजी :

गोव्याचे मुख्यमंत्री मनोहर पर्रिकर यांची प्रकृती अत्यंत चिंताजनक असून त्यांच्या प्रकृतीत सुधारणा व्हावी म्हणून डॉक्टर शर्थीचे प्रयत्न करत आहेत, अशी माहिती गोवा मुख्यमंत्री कार्यालयाने (CMO) अधिकृत ट्विटर हँडलवरून दिली आहे.

मनोहर पर्रिकर यांची प्रकृती चिंताजनक असल्याचे वृत्त कळताच पर्रिकर यांचे नातेवाईक व मित्रपरिवाराने त्यांच्या निवासस्थानी धाव घेतली आहे. निवासस्थानाबाहेर मोठ्या प्रमाणात पोलीस बंदोबस्तही ठेवण्यात आला आहे.